關於賊船
  船員
  賊網改造
  免責聲明
  聯絡我們
   
   
   
  返回首頁

 

關於賊船

當初都係貪得意先有賊船呢個網頁,剛剛喜歡了遠足活動,就學人寫下遊記放上網,反正有FTP唔使錢,當然果時個網頁就爛好多(雖然而家都唔係好好)。基本上行左兩三次麥徑,就開始接觸到石澗呢樣東西,唔識死自己搵料去玩,對一二三星既難度完全無概念,第一次溯澗就帶人去玩雙鹿,諗返都幾癲。

玩山真係唔係人人岩玩,有時都偶一為之要獨行一下,好采之後咁岩撞左上 Hknatrue跟隊,學識左享受山野之樂。之後又有競競出現好離奇咁一齊玩毅行者(果年真係乃哂野)。再來阿樂同阿威無啦啦又白撞左上黎,04年中及年尾更加有癲哥哥同花子出現!真係越黎越熱鬧!咁多位隊員都各擅勝場,起大家身上學到好多野!再加上朋友撘朋友咁,就咁就組成左班底。有幸有不幸,有伴就梗係更加大膽四圍搵路捐,玩得越多野,乃野既次數就正比例增加。

至於賊船一名,因為覺得叫XX行旅幾有型!貪得意改的,搞下卓頭,別無他意,但諗返呢個名形象鮮明,幾岩我地率性既作風!行到邊玩到邊,享受每次行程既苦樂。呢度既遊記絕對會係記述性多於資料性,路線資料是死的,別處都可以找到,但旅程上遇上既人和事就係獨一無二,我地想分享既…係我地既故事。

 

Pui 2005

返回上頁返回首頁返回頁頂

 

Email