新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖靈猿守谷

雁谷真係好多野玩,差唔多每一條脊每一個谷都可以一玩,今次再探雁谷玩靈猿守谷,十分適合今日既天氣,反正都勁大煙霞無遠景睇,玩下D幽谷仲好。一登猿頭後上牛押順手一遊三角石河,最後礦場脊快閃。

隊員:Pui, Lok, Wai, ABC

 

半日閒遊,放工就去富安集合,睏過頭去左耀安,要行成三大個字返去富安=_\=。食個靚日式午餐就人齊出發。高手ABC首度登場,人稱大路長途之王。

打的上燒烤場起步,先黎健健康康的一段家樂徑,但係經已行到好辛苦…在涼亭小休一會就進入雁谷主打,條路好似開大左,但過竹林一段依然好Feel。

太耐無黎,要思索一輪先肯定係靈猿守谷入口,初段比想像中開揚,仲有d石爬下,不耐就開始要同爛泥碎石坡搏鬥,靠找樹幹而上。

傳說守谷後段可分兩路,一路90度一路80度,指既可能係猿頭左右坑,但係我地都無玩,分源之前就跟帶閃左上左臂,好快就脫出林蔭,呢個石台位風景唔錯,對面就係成塊黃金壁。

雖然大霞,但都可以睇到成個「分流」。

再行上兩步,見到猿頭啦。猿頭的下段石脊更發現龍貓石!至於猿頭坑,睇黎真係幾直下,有高手帶路既話都可以一試既…

黃金壁脊、猿右臂右坑!?=_\=。

ABC與威先經大路一登猿頭,我同阿樂就留守猿左臂對影。

搞定靈猿閃人,決定照原定計劃順遊三角石河,大路登牛押好那辛苦…

在馬鞍位路邊搵到一個類似入口的物體,好∼突入。十分碎的一道橫腰山路,一個唔小心分分鐘跣落山。10多分鐘小路就去到三角石河!!


十分大型的一道石河,由山腳燒烤場亦都可以清楚睇到呈倒三角形的石河。話說西馬肚絕非善類,相信無乜特別情況都唔會一探,所以三角石河都係點遊算數。

玩完原路逃脫登馬鞍落礦場脊,奇異的隊員對路邊奇異的裝置甚感興趣…

本來想再遊埋跳板石,但係落到爛礦場位都差唔多天黑,放棄計劃。無帶電筒既眾人唯有靠點點瑩火引路,臨出到馬路可能行錯路,成條路密哂要爆一段林仔先搞得掂。落礦場有一段極碎斜坡,隊員威成功練就了新技能「無力挽」,不負眾望!

2005年10月29日

相關遊記:

返回上頁返回首頁返回頁頂

 

Email