新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖橫行馬鞍彌天棧道

路線:上雁恆石澗>雁谷迷徑>彌天棧道>急降靈象脊>大洞坑接村路

隊員:小DD, 阿竺, 落

 

身在彌天棧道之中不辨東西,如非熟悉地形實在十分危險,誤闖5,6星線路只有祈禱可幫到你,請勿輕試!!!

今日第一擊就係雁恆石澗,是但一個大澗位就進入了. 上望吊手岩群峰,太吸引。

太癲!好一條雁恆下段!比一般的坑渠猶有過之!竟然有爛車一架!

過晒D村情況好好多,不過無落雨好耐,得好少好少水,上多幾步變埋乾坑。

直鏟到上雁谷迷徑,傳說中既雁恆石河就在這林海之中,真係無乜人去過,想去此秘景請密切留意十二月尾再版的《縱橫香港奇山異水-山篇》啦,聽講係位行山怪傑所寫,小DD同阿竺都話呢個作者有料到,大家記住去搶購咧!!!

接走雁谷迷徑至馬尾脊…估唔到我竟然會再度踏足馬尾…想當年年少無知,在黃雨後的馬尾上了一課…馬尾接彌天棧道行好一陣子終於去到一開揚位:牛樟石澗的一塊壁頂!下面就係幾十米高壁,險!我地在此小休,觀景十分出色,但一定要小心行事咧。

續行,嘩,個馬頭峰都唔知想點,高到你驚…好彩今日唔使上。過左官坑脊,就會係今日全程的精華所在,東馬肚絕地上的一段彌天棧道!

此段路程由林中突然行到極暴露的環境之中,左面就係萬丈絕崖彌天壁,斷鳶壁的所在,亦會經過傳說中的螺旋壁底,棧道也難免有險位,當中以兩個Set了繩的大落差位較難搞,唔小心就真係freefall.com了。

過左精華段,過埋大洞脊,就照原訂計劃急降靈象脊,初段十分好玩,得見赭淵同象頭的險惡容貌…但當瘋狂急降5至600米時…真係笑唔出,雙腳打晒電報。最後生還,但發現身中過千鬼針草…用了兩小時先抆晒 =_\=…

2005年11月4日

返回上頁返回首頁返回頁頂

 

Email