新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖狗肚睇馬

今日原定既行程本來係港島五山一澗,結果昨日鋸完阿婆無乜力水,港島又真係太遠,最後決定放飛機…

路線:赤泥坪-九肚山豪宅-九肚山-桂新村

隊員:Pui

 

下午遊興起,即興獨行九肚,繞一個圈落火炭。全程3小時。

手頭上竟然無地圖,結果上中原地圖照住手繪一張。準確度達30%。兩點赤泥坪起步,沿大埔公路向沙田方向出發。

大埔公路望馬鞍山。

大埔公路望中大全景。

過左崇基門後第一個轉右既路口就係麗坪路啦,跟據地圖前進。

到達分叉路有垃圾站,這時要抄小路接九肚徑。

九肚山路兩旁的豪宅,轉入馬樂徑,盡處會有一涼亭及垃圾站。

入口就在垃圾站旁路牌的後面,下段小密的林路,全段捐林。

到達下段較開揚的一個位置。小休一會再次進入密林小路,這時突然傳來野化犬既叫聲,精神值急降至20%。擾攘了好一陣子,最後決定一鼓作氣行過去,行果時聽到就在身旁林間有動靜!!R爆!!好彩佢都應該驚左我,走左去無咬Q我…有驚無險突圍成功。

不一會發現離奇標高柱及鑊一隻。草山上方出現耶穌光,不過係打橫,如果係直射落草山就正。近頂一段為短草坡,終於脫離密林。

山勢連綿,針草。

見到狗肚頂啦,標高柱就起個崖邊。

枝柱好似係新整架喎,建在崖邊都幾好feel,個基石仲要有成米高。見到舊果柱攤左起下面。雷劈?站在標高柱石基上,景觀一流,可以講話係360度全景。不枉剛剛穿林越棘之苦。

八仙、黃嶺、船灣淡水湖。

狗肚礦場?、中大、露吐港      馬鞍沙田全景。

後面仲有草山針山同大帽,這條路可以通去大埔滘林道。

開開心心落山乜路都唔睇結果行錯路…去左大埔滘方向。其實呢度都有路落山,就在山徑和馬路的交界,不過唔係原本諗果條,結果都係死死地行返過去九肚頂再落山。路不明顥再加上唔係懶得搵路,再一次鏟中型草坡落山。鏟了半小時回到正路。

回靚路落山,經過廢屋乙間。在這支燈柱位接回石屎路。

靚路出到一個巴士廠,回到火炭工業村啦。回到市區鬆了一口氣,獨行真係一項極花費精神力的活動。一個人在荒野的無力感不斷消耗鬥志。偶一為之就好了…

2004年11月14日

返回上頁返回首頁返回頁頂

 

Email