新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖水泉覓石

飛來石位於沙田博康h對上的山頭-水泉澳的山腰位置。行程不過2k,是短線閒遊的好地方。時間夠既話可以連遊饅頭墩的將軍石,但係今次就玩唔到啦。

隊員:Pui,鬼,樂,胡,特,公

 

兩點鐘博康麥記集合,沿作X坑旁馬路上行至女童軍營地前左轉入鐵橋。這時應該直行啦,但係我地右轉了,之後又唔原路退反出黎…

覓得山路一條接回另一面的馬路,被一個空曠到好似沙灘咁既地盤吸引左我地過去。

最後見到飛來石就在隔離山脊,決定強襲鏟林過隔離脊上山!鏟了大約半句鐘,終於到達較開揚之地,但係全員手腳爆了,果然係唔見血唔收手。此脊有很多廢棄了的墓,棺木四散…夜行既話加2星啦。在浮泥碎石坡掙扎了三數個字終於覓得山路一條,向山下一望發覺此路離路邊不遠,離剛剛的地盤不過十數分鐘步程…少密的爛山路,不用多久便到達今日既主打飛來石同裂石啦!

大約兩米高既飛來石,石成橢圓形,就像一隻危立在懸崖邊既雞蛋一樣,但其實穩如泰山,任阿樂點推都不動分毫。阿威在場既話或者可以一璁言\啦。

試攀一野,好難,零腳位,只可以跳一野再力撐上去!!磨到手都爛!


雖然在山腰的飛來石唔係好高,但係都夠睇哂成個沙田。


用人疊人之法製造人梯。之後試登三人,在特先生欲拒還迎之下阿樂強行禽了上去。

成功覓石合照!由於時間關係,決定改短行程玩多d石,即時黎一個歡樂滿飛來。好似歷奇遊戲既合作登石,首先係阿鬼同胡女仕。

玩左成個鐘決定繼續前行,山雖小但山勢加上滿佈巨岩十分吸引。路上又有巨石可玩,比之飛來石,此石平台可謂十分廣闊,可以容納全隊人!

阿公執到羽毛一根,型!登上水泉澳之頂,本欲小休一會,但發現不遠處副峰旁有一石平台,便移師那裡,平台飛躍!

冰皮計劃之綠力行動空前成功。大休了很久,十分舒適,慢慢看著夕陽西下…

由於快要入黑,擲銀仔決定原路逃亡。再賞夜之飛來。無帶頭燈既咀咒… 好采行正路好快就返到博康!

找到一家頗平的茶餐廳!廿八蚊有湯有野飲有扒飯食仲有炸蟹鋏沙律送!!抵!

2004年10月10日

返回上頁返回首頁返回頁頂

 

Email