新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

石天門

堪稱2005年最神奇的發現,本來只想探遊禾秧頂石林,但竟然在四圍爬的時候發現了傳說中的「石天門」秘地,外表普通但原來內有乾坤!

路線: 城水>石天門>禾秧頂石林>妙高台>川龍

隊員:落, 競, ABC

 

集合地點為沛沛痾佛屎,合照一張就離開。今日本來出唔成山,因為低空有毒霧,但我望上大帽見到幾清,於是急call競競出山,abc更由慈雲山過黎join…癲癲地。

呢個路口上啦,跟住就會見到氣勢不凡0既禾秧山主脊。


其中望上頂有兩組石好吸引,之後先知右手面果舊就係秘地石天門。條脊有大路,但我地當然見石就爬下啦,競競呢張番黎一睇,好似企係架高達頭上咁,King Gundam。

再上就已經到左山腳已望到,左面果組大石,少少似豎起手指公咁,但換個角度就似一hit中指,好有氣勢!


玩左一輪先走,手指石懸空隊左出去,幾易認。

突然,發現山下已看見右面果組石隱約有3隻紅色字-「石.天.門」!!! 心中一陣激動,原來係鰫O度!!!唔好講野,即刻橫渡山谷一遊!!

前人提字已經褪色得好緊要,石天門尚可辨認,但年份就睇唔清了,好似198x年。

做野! 一探石天門!要上攀少許!

門中回望。初初都覺得呢d景點都無人提既,應該就係咁一條石縫姐…

點知內有乾坤!竟然係一整條側身先過到的石縫秘道!!!另一出口極細,abc 放棄,上頂影我同競競。我死典爛典先用下半身先決方式出到,好癲!有揹袋的話一定出唔到,一定要除!!

終極大興奮,回望石天門草坡…真係禾桿R珍珠!!!

過左石天門就已經進入禾秧頂石林的範圍了,規模真係好大,大量 巨石任你爬

一路行下玩下,好快就到禾秧頂石林之標記…

就係呢組石咧!成個城堡咁,有氣勢!另我同競競練成合作飛躍技,讚 !

禾秧山脊起伏都有3,4個峰,以此峰石陣最雄偉,呢組城堡石好多野爬,下次再玩,今次時間唔太夠了∼

左方小丘有如一隻超大蜥蝪!

完成禾秧全脊了,又KO多一座山,abc興奮得飛攬終極明珠!


今日可謂天公造美,低地完全被毒霧籠罩,高地則藍天白雲天清氣爽!呢個黃昏日落雖然無紅日睇,但彩霞就正到痺!!~ 有時真係慶幸可以睇到咁靚0既景色,感受大自然之美,希望多d人真係識得欣 賞我地美麗0既世界啦∼

2005年12月29日

返回上頁返回首頁返回頁頂

 

Email