新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖吊手岩北脊

耀安起步,經良友路下段接山路上吊手岩北脊,越吊手岩後踏牛押馬鞍、繞彎曲山,大金鐘近頂大休。回程輕登芙蓉別,遠賞黃牛石城,石芽背觀日落後下降黃泥頭晚飯。

本來打算同阿樂一日KO雁谷數個主打景點包括迷徑、黃金壁、靈猿守谷、雁恆、甚至北脊,上落吊手岩兩三次…只能用大言不慚黎形容…

隊員:Pui, Lok

 

核心成員活動,十點耀安h集合,起大家樂邊食早餐邊研究一會既路線。好耐無咁認真討論路線。皆因二人對雁谷既認識只限於幾個景點的名字,其餘一無所知…而起呢個時候,今日既路線依然係未有定案的。

食完野即起步,不知不覺打消了先打的上燒烤場既諗頭。

先經良友路行一段仔,遠望吊手岩北面,打量雁谷的狀況。在第一個轉彎位踩地盤到一個水務裝置,估計係雁恆石澗下游。有水務署人員在工作,強行突破失敗,唯有再向前行一段睇下有乜路好行。

在不遠處發現靚路一條,不過有數頭小狗在玩耍。沿呢條路上山會路過一植林區,這裡有無數似路非路的東西,繼續向上行到達一涼亭,亭後有隱約山路。

遠望見到山上的情況「咦? 上面果段山脊都幾企喎」結果就不知不覺去左,原來就係北脊…林路,算開揚、斜、有帶。

幾個字後搵到一個靚觀景石台,睇到八仙船灣全景。功夫!!仲見到曾幾何時阿威在吊手岩企過既石台,稱折威台

八仙、船灣、丫洲、馬屎洲、烏溪沙全景。

再上,終於有少量攀爬位置。打量後方的是否傳說中既羊首巖。十分險勢,一登就型爆!

多數攀爬位置都有樹木附助。去到右圖既位置,左邊外露地方有一條石縫可用,但懸空感十分惡劣要拋過身出去,打量過後決定放棄…在右方覓路繞過…

左圖係企壁既右面,十分嶙峋的岩壁,同樣令人卻步,再一次繞過。企壁右面可以下降到一個類似山咀但係極細既物體,阿樂企在盡頭,兩邊都係崖。

續上,發現遠方山上有一影相靚位,樂提議影相,於是快步攀至石上,樂留在下方影相。功夫一番!!

十分安全既石台,有舊石仔凸起卡住你,唔會墮崖,在石台打量右面極短的山脊,鴕峰!?!?

又有一險位,不過呢個無頭先果個咁癲,可以一試。不過左方就係牛烏既深淵。仲要攀出一Hit ,微風吹過,心都寒一寒,安全攀上之後,就在石頂小休食野。

下望山下的景象,左雁恆、右牛烏。兩條都唔係好野…

小休地點已在北脊的尾段,只要再上行數分鐘便會接回吊手岩大路,在右方發現下降黃金壁既路口,仲有一個好過份既石台,但係去唔到。經商議過後決定放棄下降黃金壁,閒遊一登大金鐘芙蓉別。

踏上登牛押之路,全日最辛苦一段,太陽哂到正。

牛押頂小休,賞極精彩既企嶺下海,d小漁排好別致。仲睇到回憶中既三杯洒同烏洲。小休之時遇有阿叔問路乃至隊員樂撞爆膝頭。Nice~

不作停流越過馬鞍,下降一小段在亂石堆後小休食梨。

荊棘石河上面峽位,崖邊有亂石堆。今日都幾好天,遠可以睇到東壩!真係唔錯。

食完梨繼續下降麥徑,彎曲山腳都係滿佈柔草(遠看),其實吉人的…下降完再上攀馬鞍象額脊。

繞過彎曲山,唔知做乜唔行大路鏟草坡…見到有人玩滑翔降傘!好似好好玩喎!!

輕登大金鐘,在近頂位置,面向西貢那面的山坡大休食Tea,有一雙人坐位,極佳!

登頂玩標高柱!!極出色完美飛腳Pose,贏左!!

玩完閃人,回望大金鐘,下降昂平高原。

營地旁的觀景台,賞得西貢清水灣全景一個。

續行,到了水牛及芙蓉別的山腳,隨意踏草而上芙蓉別。山頂盡是長草,躺草小休一會極之舒適。

芙蓉別頂景色,可望黃牛水牛黃竹石芽。

另一面就係馬鞍牛押、吊手岩全脊、鹿巢、昂平。差唔多日落了,離開芙蓉別向黃牛出發。

麥徑遠觀獅身人面及大雀石。小走一段至輕登石芽背賞山落。

石芽背再小休一會便下降黃泥頭食飯。途經地圖板,腳印終與它的主人再次相逢!

2004年12月11日

相關遊記:

返回上頁返回首頁返回頁頂

 

Email