新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖吊手岩北脊06

又到賞花季節,同競競閒遊牛押睇下山上杜鵑開成點,選擇由北脊上吊手岩之後再任擇歸途。

隊員:Pui, King

 

1130大學火車站集合,87k耀安落車起步。

再遊北脊,由舊路經涼亭後小路上山,北脊下段全是林中的泥路,又焗又斜又無景極之令人氣餒。但只要過左雁谷迷徑就會有好日子過啦,脫過左林帶終於可以睇到腳下既馬鞍山巿。

再上多一段就會發現駝峰出現在右方,真係秘地,已經唔記得邊個位上,今年冬天有機會可再一遊。

北脊後段越黎斜,不時遇有岩壁阻路要輕攀幾Hit,或有臨崖機道橫移,放心攀爬不會有事的,因為耶穌愛你。

黎到呢個位直壁阻路,壁左有石隙可以一試,但左臨深谷形勢太險不宜輕試。

右路可以下降一小少段在繞上壁頂,但呢面都有一兩個位都幾棘手。

這時右邊有一個外露的石台可以一攀出去。兩步之外就係百米深谷,向上望就係羊首巖,雁谷少數未探既秘地之一…睇黎十分險峻。

競競留低影陣相,我觀景後先行上攀至頭上的頭峰再回影。

在這個石峰頂抬頭一望就見到樓上的功夫石台,著競競先走上去造形相,十分出色既石台,可惜今日天色一般。

二人在石台大休,小競品嚐他的風味午餐。石台邊發現香港杜鵑,終可以近影到香港杜鵑,之前果d全部都生起崖邊影唔到。可能太早上山,好多杜鵑都未開,只開左華麗同香港,而紅杜鵑就只起花蕾階段,唯有遲下再上多次黎睇。

北脊上段又復變回斜泥路,慢慢地接到吊手岩頂返回大路。

商議後決定極速下降黃金壁脊,20分鐘落到迷徑,極快。

時間尚早,競競提議一遊猿頭坑=_\=即管試試,快步去到靈猿守谷入口。

上左幾步發現極度濕滑,開始無耐就跣幾Hit!都係搏唔過,都唔知猿頭坑乜料,都係放棄早早撤退算數…Yo,快步出燒烤場再馬路落山,全程三個鐘。

另附上今日少少斬獲:

2006年3月8日

相關遊記:

返回上頁返回首頁返回頁頂

 

Email