新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖黃牛石城

路線:黃泥頭經往石芽背山路,在四叉路口左轉沿山脊上黃牛山,臨頂探疊頑石、獅身人面,上頂後過水牛下降接麥徑,最後經梅子林出富安完成。

隊員:Pui, 豪, 鬼, kayin

 

今日夜晚約左阿階佢地去馬鞍山燒野食,所以之前就決定去黃牛石城舊地重遊。

十點廣源大快活食住等。早點過後經巴士站後小路入村再過花圃接往石芽背山路。
竟然見番阿樂個腳印!仲以為俾人填左添!!

上一段梯級小路,在四叉路口左轉上黃牛山脊,入口不是太明顯。但其實係明顥山路,可能之前既山火過後無乜人行,比野草遮哂。

接近黃牛山頂位置,上次黎岩岩燒完,半年後已經滿山都係短草,自然既力量。。

在這裡先橫移下降探疊頑石,疊頑石中的石天窗。在石窗中望出去可以睇到綿長既麥徑,好多行友好似蟻咁慢慢行,好有趣。


大休玩石,上次黎要趕住返去上堂玩得唔夠盡興,今次真係舊舊石都玩哂咁濟!

點少得一登巨鳥石!依舊係好那R,今次細心盤算過原來都係下臨無地十幾廿米左右。豪豪都一登,睇黎係玩命既可造之材!

阿鬼嘉妍上左落唔到,要出動請救隊協助下降一HIT。

玩完疊頑石去獅身人面出發,回望大鳥真係好正。
應該起呢個角度影張企頂,咁就型爆,唯有下次順路先再去影過啦。

獅身人面下大休食lunch,食飽再向山頂出發,非必要鏟草坡。耶∼身後既係麥徑!同山下既朋友Say Hi 。

近頂巨岩,亦可以一攀。

經過一酷似數碼暴龍石既石。     嘉妍成功鏟到上黎。

到達黃牛頂,小休食梨。

對面既水牛山,只係相隔一個小山岰,遠睇亦都係亂石處處。遠景,近到遠:石芽山、鹿巢山、馬鞍山,大金鐘起最右,不過好難睇。

水牛頂。黎一hit 怒跳,身後正是芙蓉別,背景係西貢巿及白沙灣。

水牛東南脊,有路接回麥徑芙蓉別山腳。在這裡遇到皇朝大隊。

水牛下降麥徑,山腰的小石台,後面係大老山。

落到山腳回望水牛,趕時間落山,不作停留沿麥徑閃人。

到達昂坪附近,過涼亭後有路出梅子林。

未行過呢段路,都幾別緻,林蔭小路,沿路好多舊石牆同廢屋。最後起梅子林村出黎,沿馬路返富安會合燒野食大隊。

2004年12月06日

相關遊記:

 

返回上頁返回首頁返回頁頂

 

Email