新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

地圖陰山連壁

南丫島陰山以西有一一瀉千仞的瘋狂巨壁,從陰山北面觀之整個山體就好似有部份被夾硬直角劈走左咁,這就是陰山連壁,觀之兇險攀之致命。關於陰山連壁的資料確是少得可憐,咻矰@份1:2000地圖及幾張19年前的山篇影印紙XD進入秘境,久違了的尋幽探勝。

隊員:King, Pui, Dina, 煒

 

1000中環船入索罟灣,我…遲到=_\=巴士轉巴士被困旺角搞到0940先到尖咀碼頭,天星渡海後再狂奔成條碼頭長廊0958去到往南丫島碼頭…趕到氣咳正呀,睇黎今日都無乜運行XD

大半個鐘航程到達索罟灣起步,行哂成條索罟灣大街都唔見有間似樣d既士多,今日餐晏仔睇黎都係要乞食等隊友們接濟XD。大路直cut 過蘆鬚城先唔使諗,中途經過d乜19神風洞咁就當然係唔會理會啦。去到蘆鬚城前面坳位覓路登山,但附近荒田同山坡全被燒為焦土…條路唔見左!!

咁…就大方向沿脊爆上去算啦,穿過一段枯木碎泥坡終於接返大路。登上山脊無耐,原本灰灰的天飄散了雨點,仲越落越大,小隊躲在巨石後避雨,盤算著可以提早打道回府食個lunch=_\=

幸好只係一陣過雲雨,落左十分鐘左右就收左工,落完雨仲見到少量藍天添,唔錯唔錯。

繼續上路,要去壁底先要翻過對面山脊,幸好前人經已準備好一條小徑越過荒坑。登上對面山脊,與巨壁對比之下旅人是何等渺小。

此小徑應是一橫腰山路可通陰山南面,所以行得咁上下就要放棄靚路,沿脊撥草上行去到壁底左邊的入口…

只要你穿個這扇石門就對了,穿門而出正面會有一3米高裂石擋路可供攀玩,石上更綁著一新淨路標引你上去,然而商議後都覺得右移下降取道壁底會好穩陣d,免得一陣落得在壁中進退兩難既局面…

但當然係挑戰埋塊裂石先閃人啦,有難度架,連癲哥哥都要綁緊鞋帶。

由呢度開始,你只需要摸著壁底穿林而走就可以啦,若果跟到d不知是人是獸開出來的路跡,走起黎會輕鬆些少。初段只是熱身級林競,且有神兵之助本應問題不大,但係養生得實在太久戰鬥力大不如前,老矣…

再見天日之時,抬頭一望發現兩個大騎樓,原來經已去到傳說中既3字壁,由3獨家讚助提供。轉研一輪終於發現如何3字=_\=…

開餐時間,就在壁上大休咬糧,零糧草既我唯有向隊員乞討,估唔到食得仲比平時豐富XD,有包有生果有粟米有栗子∼正呀!多謝你!

食飽正要離開之際發現有黑白路標引至壁上,但一開始經已手腳不良都係搏唔過,繼續壁底橫移好了∼閃∼Kona突然被困,橫睇掂睇都似起度做戲同癲哥哥哂恩愛=_\=

後段既林木更加健康,還不時附上四百棘,與老競輪流開路都漸感吃力,氣餒之際正好抵達連壁右邊一荒坑,老競認出標誌著退路的僧人石與布公仔石,沿坑上探一段覺得可行,決定由此脫出登頂。下半段芒草藤蔓阻途,殺個不亦樂乎!

一輪功夫終於上到布公仔岩頂平台稍事休息,幾耐無試過咁青春殺到成手血!!

人稱布公仔石,點睇先似!?此平台亦係獵影天門峽既好地方。

睇到峽左壁頂已是短草區,退出之期不遠矣~

但為左支持傳統穿門玩法,小隊再次闖入峽中再血拼,上峽急速收窄,沿峽左棧道上攀。

去到最後死胡同位只餘下一人伸手可及的寬度,這時狼狽地在碎泥上爭扎便可沿左上方的草坡離去。

至此完成連壁主打,歸途順手ko埋陰山頂+食個tea咁十分寫意,多謝哂煒哥仔既朱~~固力!! 果然有誠意入隊,全再請多餐老邊效果更佳。


順道淺遊陰山石景,個人覺得姆指石比不文石更傳神=_=

正想加速落山趕1730船之際,kona 竟然使出「我的一生*」,幸好沒有大礙,但已令癲哥哥自責不已,回程途中不斷責怪自己沒有照顧周全,聞者傷心聽者流淚=_=

 

注* 借用一下榮師兄的詞彙 XD!

 

2008年1月8日

返回上頁返回首頁返回頁頂

 

Email