新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

享壽深林

隊員:隨心, 落探員

 

初會傳說之高手隨心,佢對林有一份執著,我當然唔會放過呢次機會…跟住佢後面睇佢開林,然後從中偷師啦!

心血來潮想去壽臣山,呢座山仔得果148m高,快手搞掂連遊附近山、澗,輕鬆半日。

跟據《隨心手稿》記載,『由壽山村道39號附近一坑位旁闖入,初段林疏,沿坡上走,灌木叢多大頭茶硬枝,強闖不易。勉力林藝而上,宜向右繞,林雖密,路程短,殺出草坡岩壁,扳石而上登頂。』山頂原來有一軍事建築,另有一明顯軍路可供撒退,但其出口估計是位於豪宅後面,有可能要沿鐵絲網+林木相助/留難下回歸大路。

但一望壽臣山123米副峰竟然有標高柱,二人當然放棄大路,直鏟副峰。 副峰風光無限,盡覽哥爾夫球場及深水灣景致,另二人亦研究各坑位之可行性。

起步離開,發現唔到任何人跡,商議後決定闖東面急降一小壁。再引隨心手稿之記載『至副峰標高柱再撤離,向東北走至外露石台,再向左橫移至一乾壁頂,高約八米,下降務必小心,宜有攀爬經驗(壁有苔跡,估計濕後極滑,勿試)』

壁底再入林,坡斜且密,幸路程短,留意右方有一雨水渠,循之下降出深水灣道66號完成。由於山腳豪宅林立,D狗大過水牛,竟然如此巧妙地魒漍◆谷v中間出番來,實在幸運之至!!!

繼行深水灣石澗,哥爾夫球場守衛接近零,可毫無困難地隨時上去散下步…是澗澗容極大但無落差咁濟…

全條得呢一條可以叫做瀑布,但流勢OK既,瀑左右都可上攀。

一大段平澗後到左第二個瀑位,但人工化得厲害,仲得見澗中摩天大廈的異象,印象中是首次在澗中望到高樓大廈=_\=過埋呢個位,無幾遠右手面有水務樓梯可供離開。

2005年12月12日

返回上頁返回首頁返回頁頂

 

Email