|
＠上午要返工，夜晚又要組聚，搵ｄ野做打發下時間，剛好可以相約小競競同遊久違了既鶴咀地洞石河，上次睇阿樂同阿花玩得咁開心，真係要一探呢個咁奇異既地方，點知…
＠荃灣集合，食過靚飯就一齊撘地龍過海，又係一次極之花錢既活動，過海車費真係好貴。過左海仲要撘多一程巴士入去石澳…
  
＠在大風坳的迴旋處落車，沿馬路向南走十多分鐘便會發現一堆巨型亂石在路左出現。酷熱天氣警告…港島南呢邊極好天氣，陽光猛烈到將人熔掉，今季絕對要收山啦！！
 
＠這裡便是鶴咀石河的入口了。石形亂石十分壯觀，豈料之後的情況急轉直下…
  
＠四圍爬搵入口，原來入口就在路邊對上一兩米既位置…洞口縛左好多絲帶。入口頗窄，而且落腳點頗高，要伸盡先落到地。第一個石室情況ok，尚可企直個身。
 
＠診仲有足夠光線，係時候攞返支頭燈出黎，準備走進黑暗既盡頭。
  
＠一入洞已發覺情況十分糟糕！！陰寒、濕滑、爛泥、滴水岩壁！玩左一陣已經全身污糟哂。有很多位置以為唔係路黎，點知原來要全身睏哂起地上面，用行軍方法在石隙中典！！有些位置更只容一人穿過，連背囊都要除低先可以過到，好癲呀！！！
 
＠玩唔夠一輪經已Ｒ哂低，密室恐懼症呀！！！幾經辛苦一路沿著尼龍繩前進…
  
＠終於搵到傳說中既「陽魚石」！但係經已身心俱疲，身上既爛泥漬已經說明了一切。其實只係玩左半個鐘左右，結果頂唔順決定撤退…呼。
＠返回馬路休息，嘗試落下源蝙蝠洞一探，在洞口見到好多蝙蝠，但係都係無進入探洞既決心，放棄。打算去鶴咀村搵間士多買汽水飲，點知條村竟然無士多呢個設施！！！又搵唔到路落去廢堡一遊！我頂！好熱呀！！閃人！！！落石澳睇ＭＭ！！
  
＠返回大風坳，在巴士站旁邊發現一條坑似乎可以直撻石澳泳灘，一探。
  
＠太出色，竟然有水！！ ＠黃紋長腹蟌 ＠仲有瀑布睇。
  
＠清幽既環境，比起頭先在石河被困簡直係天壤之別！！精神度完全復活呀。
  
＠攤在澗旁的大石台上休息，看著天上的白發呆，太好Feel，仲見到龍脊兩旁的巨石。本來今日都諗過連遊，但係咁既天氣都係算吧啦。休息其間竟然遇到另外兩個行友，咁都撞到人，利害利害。
  
＠中段二澗匯流，水源更豐，更有大型水潭！！正！！
 
＠最後出到一個村落，在一棵盤根老樹旁出澗。沿石屎路慢慢步出石澳泳灘。
 
＠天清氣朗既海灘加上無數既ＭＭ，為今日無為既旅程稍為添上少許意義…
＠玩到成隻泥鴨咁，一陣仲要去組聚，真係陰功。
2005年5月14日 |
