新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

黃竹坑班納山

路線:黃竹坑h起步,鏟荒澗直上班納山引水道再登頂,山腰路接 4.5號澗全降黃竹坑至馬路,葛亮洪醫院大休。大休後順古代石刻再經異域廢村、引水道、布力徑登聶高信山,完場下降灣仔峽出巿區。

隊員:Pui, Lok, 公

 

十二點會合,上左巴士都未決定好今日既行程,隊員樂甚至提議直擊海馬…幸好最後都打消左呢個諗頭,改為順遊班納、金馬倫及聶高信。

在黃竹坑h落車起步向北進發,一路盤算,正路似乎很遠,決定找一個澗位鏟上山。在護土牆上發現一石梯似乎可行,強行突破,入口寫有 "搵笨"一詞。

上了護土牆觀察了一陣子,覺得這個荒坑似乎可行,進入。中途發現迷你版絕龍谷。

荒澗ok大而且不算太密。只使出了一次殺林道,少量攀爬。

在這個石橋位接回引水道。       危險!此處水位隨時會突然暴漲!

向左走接回自然教育徑

惡搞人肉路牌。            三腳邪異金夫人。

沿教育徑上行,分差路轉右會到達一開揚位置,可以遠望到珍寶海鮮坊。
而登班納山頂的脊線入口就在後方的草叢。

少密的山路。近的是班納山,遠的是聶高信山,睇到聶高信頂有奇怪形狀的發射站。
此外亦打量了海馬的攻略路線,好癲…


班納山頂的石台,亦係野生動物的糞坑。

 

下望香港仔下水塘。玩完石就越過山頂,發現不到標高柱。

下降接回明顯山路。見返剛剛下墮的斷鳶…遠望班納山同金馬倫山之間的谷位,發現三數條類似"大澗" 的物體,其中有條仲有石河…決定一探。

率性加遊引水道,盡頭直出香港仔上水塘。

入溯 4.5號坑。彷彿人工製造的澗,感覺很奇怪。但係都幾多中型崖壁可以玩。
下降之時仲見到蛇尾乙條…呢個時候仲唔睏覺!?

接返主澗,澗旁有平衡小路,一路見住下降,小休坐一陣。

臨近出口的清泉,清澈度 10。本來打算上另一條支流再接大路上金馬倫山的,但路過了數個澗口都搵唔到一條合心水,結果全降至巿區馬路邊…

出到巿區搵Tea 食,見到葛亮洪醫院,心諗應該會有餐廳可以食野。
好古舊Feel 既醫院,去到發現只有一所職員餐廳,仲要好貴下,放棄…
食包算,好采隊員樂帶左排包。

順遊古代石刻,個路牌彎左睇唔到個箭咀,仲以為個石刻就係呢度,搵左一輪都見唔到…右圖:Horrors 轉左,Baby Carriers 直行。


黃竹坑古代石刻,介紹牌話石壁上所刻既圖案相信含有深厚既宗教意義。

而我地都信呢一度一年既平均訪客數字係3人。睇完石刻沿石級上山。
途經一異域廢村,越過廢村再鏟15分鐘林便回到引水道。

引水道盡處發現一建於1969年的隧道…沿布力徑登山,好辛苦,全部都係梯級。

登山途中已望到面具石。返回馬路後便會進入亂石地帶。出石台影相使出游林之術。

面具石。

有人玩緊攀岩,爬緊面具石個口!!!好癲!!

亂石地帶,幾好玩,可以爬黎爬去,仲有一條亂石秘道。

最後登上聶高信山頂,原來之前見到既發射站係光子力研究所。
隊員樂一度想爆入去,最後害怕被尖刺KO放棄∼

完成率性之旅,下降灣仔峽閃人。

2005年1月15日

返回上頁返回首頁返回頁頂

 

Email