新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

奇力山歷奇

港島好玩之處在於路線千變萬化,山唔高澗唔長,一時同高樓零距離,一時又變成終極無路的原始狀態,十分過引,今次就玩左3山1澗。

路線: 下塘坑>田灣山>奇力山>歌賦山

隊員:Lok, Chyee

 

港島率性遊再動,第一站係chyee領隊極力推薦的「下塘坑」。

下塘坑一名相信是指其起源自香港仔下水塘,由香港仔工業學校旁可入澗…闊到你驚

仲闊過大城,雙潭!而且石頭紅燈黃啡乜都有,好奇異!(…相信係污染做成=_\=)

chyee心繫學習,竟然要求在此寧靜的秋日大休溫習。只見樹葉一塊一塊緩緩飄然而下,佢拈葉微笑,點一點頭,我總覺得佢鰝G一刻得到了大智慧。

條澗去到水壩就完,之後我地由一D小路好快就去到田灣山腰180米果條路。

地圖所示,有3條比較大坑位,最終由一條睇落可行的就爆左上去…開始今日最惡一段路,條坑初初開揚,但好快就收左皮,鏟林吧!學生哥chyee校服上陣,穿林的情況令人感動…當然,山頂的情況更令人感動…零景觀。

我都唔敢相信,但真係完全見唔到天,菇就有D。

速逃吧啦,由另一荒坑急降番落大路,再暴走落薑花澗,水色OK喎,大雨要一試。

沿無休止的貝璐道上山,回望田灣山山頂…不禁攀一hit樹根發洩。

貝路道接山頂道,轉入加列山道向奇力山出發,途中豪宅多到哩…不知怎的,行馬路都迷路…

行行下唔知點樣由某度上到一開揚位置,噢!到左奇力山頂!!山頂完全削平左,係一四四方方的草地,完全360度景觀,望太平山太出色 !!!

…但搵番正路先發覺原來係ICAC的設施,真係誤打誤撞…成功KO埋謎之奇力山,繼續城市定向尋找歌賦山頂一登…但果然如先前的資料搜集一樣,山頂比有錢佬霸左起樓了,咁我地諗住 去尖尖地0既副峰啦,沿某車路上…突然見到食Q…原來係法國總領事老巢… 閃人,完成率性之旅…

2005年11月17日

返回上頁返回首頁返回頁頂

 

Email