新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

文: Lok

摩西昏紅海

差勁的食字技...表達的係「摩星嶺西面欣賞美麗的黃昏日落」…

隊員:和落

 

堅尼地城落車,沿域多利道西行,不久會見到一路口。

此時你左面的鐵絲網中窄窄的就係上山的路,亦係地圖上北路所在. 此路一味在狹窄的陰暗樓梯上行,兩旁係鐵絲網同寮屋遺址…一個行進不宜,幾驚下。

可能近海關係,雖然林木都好健康,但仍然有風吹入黎,加上黃昏光線,影下相漫遊下都幾好。

接番馬路了,原來晨運客稱此北線為「健康小徑」。馬路旁建築有趣的圖畫標語…但這號稱為廁所的建築…令人不安,一個人的話我一定快步離開。

接馬路行一陣,左面就出現戰時遺址一個,聽高人講此物被炸到成舊彈起比原本位置偏差左成呎!

繼行,西區獅子亭旁有一大炮台。

從炮台可得見西高山最型0既角度! 好似火山咁尖!!!亦可見到南丫島和瞭闊的西博寮海峽,好靚。

行行下車路見到「區議會徑」…Shortcut果幾十米路!係人都行馬路啦!果然…無人行既另一邊出口密左…

再有大炮台,但無之前個咁開揚咧,size就一樣。

過埋青年營,右手面已見大型戰時遺址,我地沿極陰暗樓梯上行,中途仲經過埋極秘.暗.陰森之密室一間,和哥哥話可能係廁所…摩星嶺一人不宜呀,太多陰暗轉角位,自己嚇自己都死得…

到了近頂的一個大碉堡,十分開揚,雖然西方林木茂盛擋了100度的海景,但景色依然可觀!

今日黃昏極靚,magic!

山頂得遇老伯,見識十分淵博。別過老伯再探山頂,原來仲有更大更複雜的碉堡在其中!但已經日落我地又無電筒,一於再黎過啦∼

再賞青年營夜色!沿馬路落到巴士站,試左任食壽司…食到驚,力戰至約15碟不敵。

2005年7月28日

返回上頁返回首頁返回頁頂

 

Email