新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

地圖西高橫斷

西高山,港島西部一座挺拔山峰,由西面觀之形如火山,山腰以上位置高度A升做就了南西北三面斷崖深峪。北面山峪林木健康應只可以玩開林,至於西南兩面則全屬大型露岩,南邊比較userfriendly,探遊此地大可以由南而西跨越西高橫斷,試探西面到Freefall之前一刻收手,傳統玩法穿門而出直達西高極頂。

隊員:Lok, Pui

 

正打算浪擲光蔭打機打一日既時候,老落就icq黎一探西高南崖,哦OKOK,點知一開波就先俾佢fix一野。

0930石硤尾早餐一個打巴過海,架104兜到花兒也謝了都仲未捨得過海,總車程個半鐘先可以起堅尼地城落到車。無錯係堅尼地城,「落落我地唔係去西高咩?」「哦係呀不過上左摩星先」「……」


屈了機唯有一上,起步之時都11點半…沿西面鐵絲網路行孤伶伶石級直上山腰公路,順手參觀一下土法旱廁古蹟。繼續沿馬路快步上行。


經過青年旅館進入地堡區,今日無人操炮唔使驚誤中流彈。摩星嶺山頂位置?藏於東面的林木之中,只要穿過一系列地堡炮台就會見到摩星嶺既標高柱樹立於西高火山全景之前。而除左原版圓柱形柱外,仲可以在稍北位置搵多一支別注版梯形柱。

完成落探員既摩星補完之後就要搵路落山,有大馬路唔行偏偏要搵乜野傳說中既舊軍車路落山…

搞左一輪,終於起圓形標高柱前方左面既草叢之中找到一條有紅線引領落山既路,穿過疏林區之後又真係CUT到一條舊石屎路,但引領我地落黎既小路穿過石屎路後依然向北繼續發展,結果我地無視了大路跟住紅線繼續去,那怕進入了荒坑枯林…又一輪功夫最後由觀龍樓後方的工地爆了出來…同西高山簡真係背道而馳!


中午時份打量緊起港大定去瑪麗醫院開餐,商議後都係入廠順路D,修正航道再起行護土牆上硬CUT過昭遠墳場接返入薄扶林道,順手入去華人基督教墳場參觀一下,個平台影下摩星都OK既。

下一站醫院K座CANTEEN,入到去發現係大家樂黎,食個焗飯任性一下,爽。

補給完開始下半場主打,穿過一系列政府宿舍既後山小路終於去到薄扶林水塘。去到家樂徑入口終於有地圖可以研究下是日路線,嗯商議後決定直擊要害:家樂徑上接配水庫後方小路,沿南脊上到崖底再覓路上攀。

配水庫旁邊巧遇阿李生。

是日目標物 - 西高橫斷。

南脊小路有些少密,黎講落探員短打上陣贏左架啦,血痕。林競6條半等高線左右就可以偏離小路,向左覓路前往南崖壁底。

到了崖底你會發現山頂就近在咫尺,如果繼續往上攀唔使十分鐘就會到達山頂…咁就完全浪費左個南崖架啦。


呢個時候可以沿壁向左橫移,南崖比較友善多作70-80度斜壁,加上岩質堅固FRICTION又200%UP,隨便擇線攀玩即可。

南崖上作壁上觀奇力,不錯。

繼續向西橫移,不用擔心會誤入西崖絕地,因為去到咁上下就會見到左邊會突變成OVER筆直既斷崖惡峪,個環境係絕到連A先生都唔會認為可行架。

橫移至此止步,這時稍退數步,抬頭一望就可以發現臨頂之處有左右兩道石脊構成天門一度。一向支持傳統玩法既我地當然想穿門而出,但兩石脊之間盡是短灌叢確係令人卻步,唯有沿右邊石脊上攀。

最後臨494西高之巔大休賞維港景色,歸途任擇。

 

2007年10月23日

返回上頁返回首頁返回頁頂

 

Email