新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

地圖雞胸南崖

兩小時輕取雞胸南崖,兇險攀登附加鏟林環節,應有盡有的短線精華遊,玩完仲有老母請飲茶,優質生活莫過於此XD

隊員:Pui, Lok, ABC, C太

 

相約九點黃大仙早餐團但睏到0910先俾a先生MorningCall叫醒,正!正想放鴿之際落探員同老母好有誠意咁話等埋我先出發,咁唯有拿拿聲起身閃去會合佢地…

趕到去黃大仙食埋個靚早餐十點幾先出發,咁搞一搞已經知道今日既行程會有幾hea得幾hea,去雞胸最hea既方法就梗係先打架小巴上沙田坳道先啦。

法藏寺落車起步,沿馬路上行,完全無人做過功課,只好由報稱n年前行過既師太帶路,本打算搵條小路就大方向cut上去雞胸南崖壁底,但進入了晨運小徑後景觀完全被密林遮擋住,唯有見步行步,經過左三數座四方城之後晨運徑亦到了盡頭=_=

呢個時候除左搵條似樣d既荒坑爆上去之外…還有別的辦法嗎?

區區爆果幾十米林真係唔需要擔心,未幾脫出了重林進入了岩石區。

但!發現我地條線元全左傾偏離了正軌不特止,高度更去到雞胸南崖一半=_=,果一刻真係超想一野爆上頂閃人落山食飯算狗算!!唉但咁做真係無為到過唔到自已果關=-=

唯有覓路橫移,穿一段林去到一較為開揚的碎石坡,跟絲帶下降到石坡底…但唔係好對路,呢條應該先係玩雞胸岩崖既正確進入路線…

唯有向上路埋手,再翻過一道隱脊,終於到達今日既目標物,一D都唔雞肋,有D似豬頭。此時小隊兵分兩路作胡亂攀爬,我同A繞遠路一親豬咀,之後攀豬頭右壁上頂,除了有少量枯棘碎石外輕鬆登頂。


到頂一時驚愕,見到落探員同師太正同危崖搏鬥,下臨無地險到唔知想點,而事後聽佢地講返,最濕滯經已唔係呢個露岩位,而係之後要直攀一段滿佈枯葉…幾近垂直既泥坡,HAPPy=_\=

黎到呢度…雞胸南崖宣佈完了,繼續上攀五分鐘就CUT到小路。

一心極速落山飲茶既隊員零猶疑直取此小路落山,但途中竟被師太截住強制大休,仲奕J糕仔黎消耗我地既戰鬥力,實在係太狡猾啦XD!!!

 

相關遊記:

2007年10月17日

返回上頁返回首頁返回頁頂

 

Email