新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

文: Lok

九龍上集

九龍名之由來,眾說紛紜,並無絕對答案,但其名稱和其四周的山脈有關卻是不爭事實,於是我就選取最近九龍市區的九個山頭意欲連登,可惜烈日登山實在不容易,只能完成半程,惟有寄望下集了。

隊員:死士落

 

獨行計劃,今時今日要作更好準備,雖然係終極輕裝,但都帶左後備衫,遮,錢,電話,相機,2L水,防水袋等等…今日曬到仙人掌都死,全程都law住遮,行馬路由彩虹上百花林都休息左次。

到左近百花林個亭,頂唔順,休一休先…順手睇下路線。

大大話話飛鵝山都去左十次,但都係第一次由東面大路上,如此烈日下都休息左幾次,但其實真係好快到。到了飛鵝近頂十字路口,終於可以試行飛鵝山北路了!!!(圖左為蛇頭響石)

完全行在山脊上,勁大風,有風之下烈日都易捱好多,可欣賞百看不厭的九龍和白沙灣景致。

好快就到584象山頂咧,有人堆左D石響度。578為象山最後一峰,幾有氣勢。

山頂岩石寫住今期最Hit的劇集OC。回望飛鵝,終於行左呢條北線咧,欣慰。落山咧,好快就接大路。

小密小路1,2分鐘就接番飛鵝山道,不禁大休一番!!

訓低睇藍天綠樹享受清風拂面真係值回票價。大休後都一登東山觀景台,正確黎講圖中左方小山先係東山山頂(544m),不過費事玩草咧,走人∼

完成三份一!見到獅山筆架山仲係神咁遠…不久右方出現上大老山飛象站車路。

一上,留意大老山頂旁有個崖壁,意圖繞山頂一圈,更經過崖壁上方…

但結果繞了一半時被密林迫退,要原路返回馬路。大老山密林一阻之後決定放棄下半場,直奔另一目的地…

途中再經慈雲南坑入口…依然吸引,不過算吧啦。

到達目的地!食野走人,呢d真係賊船 Style咧!!~~

2005年9月16日

返回上頁返回首頁返回頁頂

 

Email