|
＠早上九點Team A, B, C 於彩虹地鐵站集合起步。
 
＠ 大休伙兒向巍峨壯麗既飛鵝山出發，飛鵝山南面數條路線都極吸引！
 
＠沿馬路上行會見到飛鵝山道１號既路口，左轉入去會發現有白色三角形路牌指示登山既入口，越過危險牌後不久便會見到有左右兩條分叉路。
 
＠一道是高危，另一道就係今日既路線「崎嶇」，的確如指示般沿一條碎石路上，而skyline crag可於右繞過。一路都是碎石路or 泥路，短草少量。沒有樹蔭，夏天小心中暑。黎講當天都幾熱。在接近skyline crag的位置會有一極斜都泥坡，手腳位極差更沒有可靠樹木借力，只可抓草根而上。隊友Yan 在斜坡中間位置失手直線滑落五米，當場捲起沙塵暴，幸好沒有受傷，情況令人拍案叫絕！
 
＠ 到達巨岩，我地就起呢一度大休攀石順手等埋阿樂Terence。這裡亦是上星期大隻佬被困事件既現場。
＠Skyline crag特寫，這個「Ａ」字裂縫十分吸引，但係爬爬下先知不妙，幸好都可以慢慢摸上第一層。第一層入面有一個不知那來的關公像，真奇怪。
  
＠右邊亦都一樣咁好玩，有一條細石縫可以玩攝石法。但係玩下好啦，真係上就玩命架啦。再右亦可攀爬，真正可以攀到上岩頂。
＠攀上岩頂，skyline crag 約十多米高，企起上面望落去都幾驚。
  
＠攀完石發現巨岩正下方有一塊直角三角形的石，咁又玩得一餐。正當我們玩得好好地既時候，Dino那邊相發生了狀況，個狀況叫做「有砂入眼」 。
 
＠經眾人搶救後不果，Dino被判即時遣返下山。下山既時候係完全合埋眼由我同花花引領他下山…七星。
 
＠好癲…call 白車…此情此景只能夠唱一句「努力生還，帶著傷患，我願意受多少的白眼！」就這樣 Team C 暫時撤退。送走癲佬後同花花暴走返上巨岩，豈料Team D 隊員竟打算臨陣逃脫!!我凸！早知你兩條友送Dino落去…
 
＠ 補給水源後同花花再一次暴走，過巨岩後的路線不太顥明顯，迷失了一小段
 
＠最後都成功覓得正路一條鏟短草坡上到鸚鵡石，之前三次都沒有一登，今次趕路亦都上唔到…可惜。繼續上走自殺崖頂，小休飽覽一下九龍半島的風光！
 
＠在山頂發射站旁會合Team B，合計六人向下一個目的地象山出發。
 
＠山頂落幾步便有一個三叉路口(其實係四叉)，左落彩虹，右落百花林，正面還有一條草叢小路去象山。
 
＠這段小路都幾靚，兩旁好多芒草，有風吹過就擺黎擺去。
＠象山望筆架山、獅子山、慈雲山。登上象山山頂，發現沒有標高柱。遠景為黃牛山水牛山。
 
＠沒有標高柱，只有這個符號。
 
＠到達東山，頗頹的一個山，在馬路邊，建設了觀景台，只需走十數級石級便可以登頂…在這裡與大隊分開，獨自往東洋山方向出發，Team C Dino 這時竟來電要會合Team B 再戰獅尾…＝＿\＝
 
＠東洋山，十分平的一座山，從前曾經在腳腰的衛徑走過…山頂的標高柱斷了。
＠遠望黃牛山
 
＠不作停留沿東洋山的山脊路線向黃牛方向前進，中途在右方看到一石景可賞玩，被小妹妹捷足先登…
 
＠山脊路接回麥徑 M093位置。再上尖尾峰，密短草路，山頂沒什麼可觀，找不到標高柱，可能被長草吞噬了…
 
＠最後五點下降黃泥頭完成，搵個飯食先，竟然唔記得預備午餐…餓左成個下午…
後傳
 
＠吃飯之時Dino打黎問路，佢地竟然而家先起獅尾搵緊入口…獨眼Dino…英到丫
 
＠估計開波無耐已經天黑…nice…夜攀獅尾天梯。
＠日暮獅山
 
＠很少機會咁夜仲起山頂位置…九龍區就更少有…
 
＠落到黎好似九點左右，玩左成十二個鐘都唔夠皮，仲要起度搞事。
 
＠係咁起度玩個牌樓，嚇親ｄ路人…最後連廁所都唔放過…呢班都唔知乜人黎，真係物以類聚，人以群分…
2004年11月28日
相關遊記:
|
