新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖佇人左脊 

星期二突發活動,icq阿樂無啦啦話好想登山,佢本來都約左阿競,但係競競咁耐都唔見人,睇黎應該戰死左起北龍…事後得知佢在澗中閃到條腰…死典爛典先返到東涌。咁我地唯有另起爐灶,咁今個星期六日都上急救班都無出山,正好來一個突發活動。決定一遊佇人右脊登飛鵝睇日落再極速西路閃人。但係最後三番四次失敗,搵唔到登右脊既入口,結果去左左脊,仲要變成五星夜攀之旅…

隊員:Pui, Lok

 

五點半彩虹地鐵站等,死仔樂又遲到,於是起地利店買左一條雪條食,點知比完錢一行出門口就成條雪條跌左落地下…=_\=,個膠袋竟然穿左,但係個結果係…第一時間執返上手食左佢,終極窮鬼玩法。

三數個字後隊員樂連補給品出現,二人極速向飛鵝山出發,先通一個渠上札山道,沿札山道上行覓右脊入口。一搵就搵左幾個似是疑非既入口,有荒廢的晨運園地、荒坑、工地等等…但係最後都係搵唔到…

繼續沿札山道上行,正想放棄去大老山食豆腐花之際又在郊野公園牌後面發現一個奇怪入口,返去睇地圖都有一條路架,不過去到一半就會斷左。當時估計呢條路應該係上左脊,反正未行過,一探亦無妨。

初段都幾大路,有哂樓級咁,但係無耐之後就成條路都密哂。踏草而上啦,中途見到岩石上面有塗雅。

繼續踏草而上,遇有一人體工學梳化石,試坐一會。

高度上升視野更廣了,已經可以遠望到港島的市區。

暫時都仲係及膝的草坡,仲應付自如,不時會遇到大岩石,可以在其上小休一會食個梨。但係都唔可以太悠閒,差不多黃昏了,係時候加快腳步…

路旁的大型尖石,驚!本來阿樂約左阿釗九點半,但係都係趕唔切落山架啦。

日落獅山!!好靚!但敝!!

再上多一陣…黑齊了,但係好彩九龍市既燈光太強,可以幫我地照到條路,真係多謝哂D光害。

開始夜攀之旅!激!!由於後段的草越來越高,我地盡量搵石上攀避開長草。尾段更好玩!沿石脊連攀15分鐘,手腳位充足,但有一位置需要壁虎而上,亦讚!

直線朝倚天岩上攀,最後一登小休欣賞一下港九夜色。

這時隊員樂發現手錶已在林戰中光榮戰死了…亦因為咁有兩日之後佇人覓錶既行動…

倚天岩隔離就係登山的大道,差不多九點半,我地沿大咯登飛鵝,經山頂十字路口落東路,花了大半個小時下降至飛鵝山道…重返文明,膝頭爆了。成十點幾先返到彩虹市食晚飯…

2005年8月2日

相關遊記:

返回上頁返回首頁返回頁頂

 

Email