新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖巨鯨岩

轉工之後要返Shift真係唔開心,放閒日無乜隊友可以一齊出山…難得今日星期六返夜,可以上午半日執返劑。相約中午放工既落ABC一遊飛鵝山。2點會合午餐中既ABC,邊食邊等隊員落,落預備了窮鬼飯盒乙個打算上山午餐… 商議過後決定重溫日落脊一記,再探鵝肚棧道上石河,橫移殺過巨鯨岩。

隊員:Lok, Pui, ABC

 

定案後離奇地為左省回行去日落脊入口果四個字行程竟然籌旗打的去德望學校。但係竟然比司機擺了一道,在德望學校最低個位就趕左我地落車,落左車先驚覺中計,仲要行多兩個字先去到日落脊入口=_=。

久違了的日落脊,上一次經已係04年日落日出。照舊由水渠位上天鷹石,隊員落決定在石台大休午餐,我同ABC先行一步。ABC終於都擺脫到飛鵝山既怨念。開始攀登日落脊,先走一段斜泥路,去到一個石隙位,記得當年第一次黎覺得呢個位好刺激,要用樹借力而上,玩左咁耐呢棵樹都仲咁健康真係難得。

之後就越行越斜開始要落手爬,感覺有D陌生,總覺得印象中既日落脊應該無咁難…上上下見到山腳既落隊員開始起步趕來,但見佢手中還拿著一個飯盒=_\=,應該係食唔哂諗住留返黎做下午茶。

讓一隻手追趕著ABC。去到呢個Set左繩既位置經已追到上黎,利害利害。

上到咁上下到達鵝肚棧道入口,由於隊員落經已探過,決定分道揚鑣繼續沿日落脊上頂先過巨鯨岩等我地。

同ABC橫移入自殺崖底,氣象萬千既自殺崖壁真係百看不厭,沿住崖底既棧道進入鵝肚腹地,估唔到條路都開到幾大下,係左方地上時有雜草擋著視線,擔心有凹位唔知差錯腳就Happy。據阿落所說第一個遇到既坑位就係石河所在,快步前行十零分鐘就見到石河的入口。

由入口望入去只見許多雜草叢生,都幾令人卻步。姑且入去行下,行多幾步漸見開揚,都ok,繼續行去到一個死胡同位,前方被一斜壁阻路,ABC隊員決定挑機,睇住佢上就一半,我見都幾斜信心麻麻決定放棄,在左邊的草坡抓草抓石米仔繞上頂算數。呢個要算鵝肚石河的最難位了,之後只要小心落石就可以。

上段石河的規模漸大,雖然同荊棘石河三角石河之類就梗係無得比啦,但加埋上方的門峽整個格局個勢都唔錯既。

穿峽而出後ABC又力挑峽門頂的石台,不折不扣成為左一個忘命之徒。

踩草坡登上佇鷹脊上段,突見隊員樂經已出現在巨鯨岩之上,正在享用其辛苦帶上山既半個飯盒,十分差既造型。

眼睇要過巨鯨岩應要返正路再下降,但此舉太過費時,於是踩草橫移過去。

會合隊員落,只見佢依舊在崖邊享受緊佢個差雞飯。終於都成功一登巨鯨岩,完成一個次次話黎都到唔到既景點,在巨鯨岩上小休一會就離去返回大路。

本來時間十分充裕可以慢慢落山返工,但隊員落意欲加料找尋倒靴石,見仲有d時間就捨命陪君子。

但連晒靴石的確實位置在那都不知道,於是在過了蛇頭響石後差唔多就是但鏟條脊落西面,亂黎既行動最後都係乃野收場

落到一半發現下段山脊全是密林,而目標既倒靴石更出現在右方的脊上…=_\=

回頭路是多麼的遠,執迷不悟落去亦只有林藝一途。最後選擇左一個較折衷既辦法,橫移爆林返過倚天脊…最後好Feel地飛奔落山趕返工,不惜中途放棄了ABC…

2006年3月4日

相關遊記:

返回上頁返回首頁返回頁頂

 

Email