新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖佇鷹巨鯨

經上次癲落等人小組探遊得到重要資訊後,就同競競二人同遊,玩埋呢次飛鵝南面既主打路線終於都可謂完成了。

隊員:Pui, King

 

12點集合,依舊彩虹起步經彩輝h上札山道,雖然行過n次,但係呢段路成日都唔記得點行。

入口繼續神秘,總之一開波已經十分可惡,由大斜壁開始今日既佇鷹之旅,上到近頂位置只可靠一棵樹借力上攀,其他手腳位零,更濕濟既係棵樹上面有為數不少既紅蟻徘徊中=_\=在樹枝間穿過,前面又有一棵露兜樹擋住繼續上攀既路,Happy。幾經辛苦典到壁頂,我懷疑再右少少都可以上攀,下次可以一試。

繼續前行,發現佇鷹都幾大路,可能剛剛有大隊開過路,幾好。第二關要穿峽,呢個峽位都幾大同外露,起札山道都可以遠觀到。上此峽都要花一d功夫,好多碎石混雜著散泥。

穿峽後偏右前進,穿林去到一壁底,沿壁底小路左走,一路研究上攀的可行性,在一個石隙位嘗試一攀,但太險都係放棄。

再左移就去到壁左盡處,都係醒目仔玩法泥坡抓草上算數…上到近頂位發現落探員所講既萬能達相機袋路標,讚!試下右轉由外面上攀,發現壁中有帶,但研究後覺得可行性零,算。都係左面打碎泥坡上頂。

上到頂係一個大石台,視野極之開揚,前方九龍巿盡覽,競競上攀石台造型照,但一不小心手乃了雀屎,還夾雜著蟲之碎片,Happy。

 

後面盡是鵝肚既危崖絕壁包括那塊極惡既大波板岩。繼續上路,已經可以看到佇鷹石就在壁頂,近觀大波板壁,見到壁下有一尖石台造型不俗,於是嘗試一登。

橫移過石台又係一輪功夫,幾好玩,係有d位必要靠樹。一登石台成功,個人相對起塊壁,成粒米咁=_=。發現大波板岩右下方的坑位好似有路上黎,而且仲綁左d幾新淨幾帶…嗯…返去搵搵係唔係有條路先。

興之所至脫離正路,在波板壁左面較為可行既位置就直接上攀,可以直達鯊魚鰭石。

不過臨到之時會經過一個濕滯位,又係一個峽狀物體,但呈80度而且全部係枯草碎泥,無從借力!翻上峽頂只可靠兩支可憐的枯枝,上面又係荊棘滿佈…又要硬食無計。

一上到去就係鯊魚鰭石,幾有趣既石景,一塊過兩米高既巨石塊,危立在崖邊,真係幾似鯊魚鰭。意圖一登但係好那難,外面一瀉十幾米,一個失平衡翻左去外面就開心死,唯有使用肚皮技一登。

鯊魚石外面又有狼否一頭,造形亦都唔錯。

 


最後了,一登佇鷹石,試一Hit 飛躍,lup水都離譜=_\=。佇鷹石上小休食梨子,幾閒。

行程近尾了,佇鷹脊後段都無乜特別景點,都係淺草坡,係到臨頂近鵝肚石河出口既位置又有一道巨石脊可以攀玩一下。

之後上到頂就完成佇鷹脊路線了。

最後加遊埋競競未去既巨鯨岩,休息一陣就倚天大路離去。

2006年3月15日

相關遊記:

返回上頁返回首頁返回頁頂

 

Email