新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

文: Lok

筆架山

一個極之晴朗的下午,烈日當空,邊個出山邊個死,但耐無上山,十分掛念那種感覺,於是在暴曬加炎熱的一個下午進行了獨行計劃,其實近來已經膽小如鼠,已不像從前般敢單人匠馬闖去未知的境地,想了一輪,終於選擇了筆架山,一是為了一登其顛峰,二是因為此山難度近零…有馬路上頂 =_\=

隊員:死士落

 

Elmo家可遠觀筆架山,今日無地圖,上網立一立中原地圖,袋水相機同帽就出發,大方向推進。經過搭車成日經的高海拔草地球場,好Feel。

先入錯私家路,再入錯晨運園地鏟上坑渠,最後見到一石屎馬路以為終於踏上正途。

但正路應該係馬路到頂既,我行左一陣就發現變左山路…咁係無可能架,行山路到盡先接到真正的上頂馬路,我的入口是錯的…此路有閘,但被有心人改了字眼。
馬路中途遇小否3,4隻,尚算友善,不久右方出現山路一條,比行馬路短但極疲…

見到發射站了,可上行睇埋山頂個波波,雖然有警告字眼但可以不理。

山頂被霸左起野,旁邊D樹都頗高,唔算極開揚,要企高先睇到風景。

睇完塔向獅山方向推進,有地圖可一睇路線,加上前人溫馨提示:「九龍坳20」,我就當然衡過去獅山走人以避開方才上山見既小否啦。

走人途中有開揚位盡覽九龍景色,正。

亦有一出色角度觀賞獅山,近九龍坳可望見南面有路,一望已見到筆架沖溝在下方,改日一探。

天色已黃昏,無地圖都係行行過既路開心D。

極速經九龍坳落天馬宛走人。 KO多一座。

2005年7月13日

返回上頁返回首頁返回頁頂

 

Email