新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖筆架沖溝、饅頭將軍

路線:石硤尾起步,經筆架沖溝登筆架山,逆走麥徑五段一登雞胸山再下降沙田坳,茅撻村覓路登饅頭墩賞罷將軍岩出博康完成。

隊員:Pui, Chyee

 

話說隊員樂提意在南山h起步可以一嘗其推介的茶餐廳早餐,但當日佢竟然放鴿,而剩餘既兩名隊員到出發先發現原來南山h離沖溝入口好那遠=_\=。

痴領隊的戰鞋一開波已告戰死,點知經改裝洗底後竟進化為零鞋底厚度的全天氣汎用型跑山鞋。由又一城過筆架山腳,唔知邊度過龍翔道,十分濕濟,搞到要誤入公園爬護土牆一Hit。好采最後搵到天橋過龍翔道,唔係硬闖100%被車KO。過左馬路後在水務設施入口附近找到一條不得善終既路。

進入無耐就見到一大石上寫著「BOB1980 」,唔知係乜。路徑有小許不明,行一陣就見到有類似沖溝的東東。心諗唔通呢條雜草叢生既爛鬼溝就係筆架沖溝,立時為之氣餒…

好幸原來呢道只係沖溝下段,上多幾步先發現主打!十分唔錯既景點,闊度深度斷估都有七八米既大型沖溝。本想下降一玩,但係70度坡度加上浮沙碎石,只好打消呢個念頭。沖溝直指向下面水務設施附下面水務設施附近的平台,下次大伙兒再黎可以由草地沿溝而上,效果更佳。

賞罷沖溝沿脊而上,小路乃類似九徑山系的碎砂路,但路邊就有好多深冬既楓香同松果點綴一下。

中段以後坡幅越見陡斜,上到撻哂皮,上上下突然覺得勢色唔多對,從身後傳來一陣一陣的嗡嗡聲,回頭一看竟發現成堆蜂痴起樹幹上!精神暴降落谷底,立刻大叫痴兒停步,定格左十秒左右,見情況尚算穩定先慢慢典返落去!驚慌之王!!落返去唯有攀壁繞道而行,搞到十分狼狽。

估唔到成十二月都仲有蜂!痴線!之後到上頂都一直活在秋蜂既陰影之下。最後在麥徑路邊閃返出黎。

照原定計畫逆走麥徑五段,過埋回歸亭順個手上一上獅頭。

痴兒帶路,第一次由石脊攀上頂,幾好玩。

其中幾個石台可以非必要攀爬一番。

路過見到岩石上刻有來歷不明既文字,不過都無作深究就閃左人。上完獅頭就返落麥徑,落山既時時候見到好多小朋友上緊山,估唔到而家d小學會搞d咁激既活動,想當年我最多都係去下鶴藪燒野食。

大路暴走,左轉一登雞胸山,幾步路就到頂,上有一個小空地,至於標高柱就好委屈咁被埋沒於空地後方的草叢小徑旁。

一登完雞胸繼續向沙田坳前發,今日天色都算係咁,東九龍一帶都OK清,飛鵝南坡依然係咁惡。

落到沙田坳停一陣睇睇圖就閃人,諗住經茅撻村去饅頭墩。兩條友仔都唔識路,搵到條小徑方向正確,但係行行下就密那左,心諗都唔差幾就直線進發林藝一番。

游左三四個字就搵返條登山小徑,讚!出返黎又開揚好多,後有大老前有水泉澳。

在饅頭頂有叉路落水泉澳,不過今次就左路下降一探將軍岩,點將軍法就唔係好知,但係同柏架果舊差唔多,都係一大一細疊起咁款,不過呢個就大好多。

圍住舊石觀察一圈,要走去崖前都有D麻煩,又捐又典先搞得掂。發現要上攀都係要靠頭果舊岩跌落肩頭果一塊石塊先得。上攀手指腳指位都僅僅夠,痴兒配備左汎用型攀石鞋就梗係零難度。

結果二人都典左上去造型照一番。下降又係一頓工夫,好采都係有驚無險,之後沿西北脊落山,好似剛剛有隊行過,條路好新鮮,但臨尾要玩下遊藤下降,最後出博康準時完成食Tea!

2005年12月17日

返回上頁返回首頁返回頁頂

 

Email