新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖鷹巢山

無為旅程又一擊,原定路線為上半場一探鷹巢頂,經副峰接回麥徑大路,過筆架山上筆架南坑再下降筆架沖溝。但最後在鷹巢山頭上完林藝重溫課程後,竟然迷路去唔到隔離大大座既筆架山,沿古道返左沙田!省回一程車費!!

隊員:Pui, 鬼, Lok, Wai

 

長沙灣打的去馬騮山,位位八蚊,打巴可以一位五蚊。

是日行程十分健康,閒遊鷹巢山自然教育徑,兩個小心既郊遊人士正在細看地圖。

這是牌樓。             教育徑的小鳥標誌。

一路上都好多死馬騮起樹上面盪黎盪去,有D仲肆無忌憚咁起路邊水池仔度沖涼,好彩無搞我地,唔係十幾廿隻咁都幾得人驚。沿郊遊徑行左無耐,發現右方山坡有很多懷疑路丕的東東,但亦有可能係馬騮過路。最後找來了一條比較明顯的鏟上山坡。

真係有路,山坡仲SET左幾條繩仔可以一玩借力上攀。去到電塔底路變得比較隱瞞,開始今日既林藝段。初段只係藤蔓阻路,輕量級熱一熱身,間唔時都會有小路可跟。

去到一個頂位,初時誤以為係鷹巢頂,但係整個山頂都被林木遮蔽=_=合一個照閃人。下降山岰後再上行,進入竹林段,好Feel的一段路,係咁踩爆地上的枯竹!音效極佳。但係呢一段竹林都幾長,而且無路可依,唯有輪流開路。

爆左大半個鐘終於上到頂,原來呢一個先係真正既鷹巢之巔,有一支斷掉的標高柱,到著之時驚動了那裡的猴子家庭,一度發生衝突,唯有送D價值連城既寶石比佢地以示友好,最後佢地都欣然散去。過埋鷹巢頂後再次進入迷路既境地,搞左一輪終於都發現原來在山脊上有路,算大條,可以跑。

此路會經過副峰,路邊有一可憐的標高柱,之後一個開揚的位置,石上寫著「行友請坐」的塗雅,此處可以望到筆架。

沿靚路直落接返麥徑,遇到好多正在努力操毅行的朋友。小休一會向筆架方向進發,中途極之離奇地在麥徑迷路,明明筆架山就在眼前都去唔到,先是誤闖了小山頭上的晨運園地…有長椅可以躺殿y休…

死死地走返轉頭搵路,開路以為係麥徑大路,點知行行下越黎越唔對路,路邊竟設置左繩網陣!再睇睇圖!原來係入左返沙田的山徑…=_\=,見到丹霞般的獅頭。全程暴走直出紅梅谷,省回一車費決定去博康鋸扒慶祝一番樂。

2005年10月15日

返回上頁返回首頁返回頁頂

 

Email