|
＠九點老地方集合，依舊十點先可以起步。
 
＠食早餐時見到ａ先生先知佢出席今日既活動，起下午兩點要趕返工既情況之下…你唔係以為可以行得哂呀嘛…
 
＠決定一試新路婆髻東北脊，快步前往大蠔在垃圾爐後面覓路登山，除左斜ｄ同有兩三個爛泥坡位之外都幾Friendly。好快上到開揚位置，遠景欠奉只可以睇下對谷既崖壁。   
＠途中過坑時遇到一兩個濕滯泥坡，但問題不大。再繼續沿脊上攀，經過一大石群本來可以一玩攀爬。  
 
＠突然而來的八級陣風吹到我地十擺十擺不特止，就算使出ｍｊ前傾４５度都無問題，咁情況下如果胡亂爬攀到石頂擋風位１２０％會被吹飛＝＿\＝  
＠過石組後繼續上山，在近頂的分叉位我地決定放棄婆髻頂橫腰Cut返過西脊大路，返到西脊時間１２點，ａ先生又時候要離隊返工了，終極既誠意換來完全無為的行程，恭喜哂。  
＠小休後繼續三山台攻略，原本天氣還算不錯，但高度攀升一過婆髻與薄刀刃的坳位，發現五百米以上的山頭經已全部被濃霧吞噬了！入霧後一時不辨東西，亦搵唔到小路上牛牯膊，唔使諗即時踩草爆上去ｋｏ５ｘｘ牛牯膊，完成第一座。山頂有擺左一圓石堆，軍用？  
＠再前往三山台，空氣中飽和了的水份子令能見度跌至十米以下，小隊似是疑非的向著大方向前進，成功地登上了三山台721！  
＠可是在山頂等待我地既只「暴寒」。躲在大石之後可憐地完成午餐，落探員新添置既巨大rain cover 起了莫大既作用，全方位防風防霧保暖。  
＠再起步之時經已被霧水薰得衣衫盡濕了。跟手一登埋三山台第二及第三個山頭，雖然一度差點迷路下降了龍尾坑，但憑著大塊頭阿威的大智慧最後都有驚無險地返回大路。
 
＠正所謂物極必反，max shit 既天氣竟然令全員狀態200%up，十分有heart地打算照原定路線ｋｏ埋蓮花山。
 
＠迷霧中繼續上行，大路計劃十分輕鬆地登頂。  
＠躲在蓮台石旁邊小休一會睇睇圖咁，仲研究一陣順手搞定埋南山頂既可行性，決定路線後標高柱合照一個快閃。  
 
＠沿郊遊徑向梅窩方向下降，點知落到半山位置一離開了濃霧的包圍，精神度即刻急降…剛剛打既南山算盤亦都煙消雲散，直奔梅窩閃人∼讚∼
2007年2月24日 |
