新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

地圖長屻鳳東

長屻石乃一約十米高的巨大岩石,略呈方形,位於443印石頂(屻石頂)之上,即鳳鳳山東南面落塘福的一道山脊。除了主打一登長屻石外,印石頂亦是一覽鳳凰全景的好地方。

隊員:King, Lok, Pui, abc

 

0900東涌集合,早餐團後嶼巴入伯公坳,1000落車起步。

上山行兩步就可以脫離鳳徑,進入南大嶼郊遊徑。

除了後方的大東之外,好快就可以見到是日的第一個目標物「長屻石」出現在正前方的山脊線之上。看似十分近的距離,但由於沒有人研究過坑或脊直擊要害的可行性,大家都很理性地決定大路推進,實際上要南下繞多3k幾先可以去到印石頂。

水平移動再U-turn北轉離開南大嶼郊遊徑,高度攀升,整座鳳凰山慢慢浮現於眼前,由對峪的狗牙嶺至斬柴坳,上鳳頂過南天門,再過返黎印石頂整道山脈均一覽無遺大讚∼

介紹返,位於狗牙嶺東坡的巨大露岩便是傳說中的白石岩,亦是鮮有遊人探遊的秘境之一,有興趣可以參考白石岩之旅。

這段路感覺幾好,行走在山脊之上,路旁全是金黃色的草甸,加上微風送爽,十分寫意。邊走邊拍好快見到長屻石出在前方小山之上。

去到岩下繞場一圈尋找上攀的最佳位置,最後決定在南面萬福瑪利亞旁邊7x度的岩壁試攀,起步果幾下有d難度,但只要靠Friction翻上左邊的岩脊,之後就可以輕鬆登頂架啦∼

與落競上後成功搶攀長屻石,只有abc多番嘗試仍然未能闖關,嘲笑啦仲等呀!?


長屻石頂既風景基本上同石下無分別,但被影既話就型廿倍左右,影我啦∼

石頂小休吹吹風,自我滿足完後沿路下扳,但發現下降難度高左兩多,全靠friction既話應搞唔掂。

唯有出動最後絕招!用腳指搾取岩壁上僅有既著力點!


除左鞋戰鬥力立即200%up,而家係我玩塊壁,唔係塊壁玩我XD

一眾隊員輕鬆下降後信心大增,嘗試找尋其他攀爬路線,先向東面一道石隙埋手,由高手競優先試攀,下段問題不大,但去到臨頂位置變成倒懸狀,除非可以將身體ZIP到得20厘米穿隙上頂,否則就要由外圍繞上頂,極端外露搏唔過。


再來由北面搶攻,看似平直的石壁,細看之下發現有無數的石米手位,再加上下半段一道斜走的石隙,只需配合適當的力道控制,難度只會比剛剛南線更加容易∼

至此,歷時一小時的長屻石攀登路線研討會正式閉幕,合照一個繼續上路∼

接回鳳徑研究下ROUND2路線,隊中三名隊員都攀夠架啦,動議大路伯公坳閃人,返東涌仲可以食到LUNCH,正架=_=。此言一出,唯一搶攀長屻石失敗既隊員立即面露難色,如果就此撤退既話對某隊員黎講,今日既行程可謂完全地無為XD

睇在a君的怨念份上,小隊決定補完一座北峰嶂,接地塘仔郊遊徑再下降鳳東飛流出東涌咁∼好出發∼

沿鳳徑上行一段,第一次見識到傳說中既倒靴石,就係真係有一對boot夾硬痴左起一塊岩石上面=_\=

在旁邊的620涼亭小休一會,有麥芽糖夾餅食呀∼正∼

過涼亭行多兩步就可以在右手邊的山坡找到落山小徑。

左望可賞羅漢全脊。下降途中發現旁邊的山峪之中不時有光線閃動,一度懷疑是求救訊號,駐足觀察了五分鐘最後證實係有個膠袋俾風吹緊…=_\=

快步下降唔使30分鐘就找到了北峰嶂的古舊標高柱,再10分鐘已經接回地糖仔郊遊徑,快∼

春花時節,郊遊徑兩旁盛開了無數吊鐘。

右折無耐就到達鳳東飛流的上源入口,去到鳳東主瀑為止一路都係19小澗,搵個小潭小瀑都無,悶走模式ㄟ吽C

到達鳳東瀑頂立即闊然開朗,鳳東果然名不虛傳,幾個巨大落差瀑布層級而下。

不過旱季黎講就乾到得番一絲弱水流瀑。今日既鳳東只作為退路,無意細賞,瀑壁石脊隨意下攀。

再半小時光景便到達林務站出澗位∼

散步回東涌之前仲順手參觀下東涌炮台,最後出東涌食個靚Tea收工∼

 

2007年2月3日

返回上頁返回首頁返回頁頂

 

Email