新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

地圖狗嶺分流09

跨年度活動,捨難取易選擇在狗嶺涌露過靚營再輕鬆享受觀日活動,靚到難以置信既09首個日出入手。觀日後直擊分流力拔石筍,享受完攀石樂趣再加插下午茶及午睡環節,優皮生活之典範∼09年有一個好開始∼

隊員:Lok, gargar, pui, 鬼, king, dino, kona, ter, tong, abc, johnny, fa

 

23點東涌集個靚合,竟然可以準時搭到2315班巴士,難得難得∼爆滿的巴士上,有4成人都鬺B公坳落車,毫無疑問今晚鳳頂一定人山人海,情報所示香港敢人聯盟今晚都會拉大隊搶攀鳳凰之巔。

大半小時的車程便到達了石壁壩尾起步點,補給水源後開始悶走4k引水道,08年既最後一刻亦在悶途中寂靜地過渡,只在快步行進中隨便倒數了最後幾秒,一句Happy New Year後大家又回到悶走的途上,仿佛08年沒有出現過一樣…

一點左右到達狗嶺涌落腳,營地十分不錯又有良好官方設施,係大風左d,考凍下。4322+1露宿戰術,食杯麵就係時候冬眠計劃。首次動用了所有的露營裝備,充氣地蓆羽絨睡袋再加羽絨縷當枕頭,渡過了野外最溫暖的一晚。睇返身旁既阿棠,就用緊我借俾佢果個20度睡袋…用左等於無用=_=矇矓中聽到追龍既競強偷等人到著,但唔理咁多,好舒適繼續睏∼

0630鬧鐘響起,雖然睏得四個幾鐘,但綜合睡眠質量經已是史上最高。隨手型蛨鬙[件羽絨鼠出帳篷,無想象中既凍。十零分鐘輕登狗嶺涌觀景台等待09年首個日出,天色極佳,連鳳頂都完全出哂黎∼

太陽未至,前方的雲經已被薰上一片紅霞,極期待日出來臨∼合照一個先唔好等。


0711魔幻時刻來臨,太陽由小鴉洲上方慢慢升起,好靚,堪稱有史以來最出色。



經歷08年田下觀日既慘劇,大家都深信衰左個開頭,果一年都唔方好得去邊=_\=…但最後完全估唔到,09第一個日出既絕讚程度完全超越左大家既期望∼!即刻對09年入滿哂希望。

天色已大亮,再影個太陽就燒CCD架啦∼係時候撤退,繞一繞道落去路過埋條界碑再返營地。


返回營地執野再嘆返個豐富早餐,紅酒配以08年Ribena既做法相當出色∼

HEA返個零鐘,10點營地起步,沿引水道直入分流,路過全完乾涸的狗嶺飛流,主瀑、左前右後支流同樣崖壁疊起,十分吸引的說。


唔使一個步程經已到達分流東灣,天氣確實係唔錯,後方的分流頂至深坑瀝一系列山脈高清全開。而今日既第二主打分流石筍亦已近在眼前∼


1115到達石筍,一眾隊員經已急不及待放低哂行裝繞到石背研判上攀的路。介紹返今日既石筍攻略.一共有三條搶攀路。

鋪哂墊做足安全措施先開波架黎講,由低Lv入手先,第一條路線梗係由兩座巨岩之間的石隙狼狽地壁虎而上啦∼仲要靠埋石隙中果舊郁下郁下既天然石頭nuts先上到去。

其實上都唔算太大問題,落先至最濕滯,第一時間制止左癲哥哥跟隊,Set左繩肯定左安全退路先玩丫唔該∼

Set繩途中,競競同落探員先後經Route1成功搶攀。三人試圖跨過去另一舊岩石的平台上,但中間只得一道半米唔夠既棧道,極有失手友翻落返石隙既壓力=_\=

儲左好耐氣先夠膽一野跨過去對面,成功登陸另一組岩,嘗試行出少少造型照但一睇超高囉,加上5級既風力,一個唔覺企唔隱就34.com架啦=_=

同一時間老癲竟然成功開發出第二條路線,由岩石外脊靠Layback搾取到米半既高度,再騎過另一則既斜面,捉到石頂完事∼!跟隊啦唔好等∼!

經老癲教路同競競都成功搞掂route2。攀落反而無route1玩壁虎咁狼狽,只要完成到撐牆借力既第一步,你就贏左架啦!好玩!

繩圈退路經已預備好,大家可以胡亂攀登啦∼至於最後的route3完全係強攀,起石隙左邊的直壁上有一個良好的手位,只要你一野動態單手扣到個手位,再撐牆咧鴠k邊的石脊就完事啦!聽落都覺得簡單。大家有興趣就自行研發一下啦。


就係咁起石筍玩左兩個鐘,攀到夠哂皮∼離開石筍繼續上路,經典路線先到炮台打個圈∼


再出分流角會一會座燈塔咁,事隔多年再臨,燈塔的大閘經已被狠狠鎖上,可恨未能一登塔頂。

下一站本來係一探落探員口中既真.石筍,但遠觀之發現係19石頭一條,完全不能與剛剛的石筍同日而語,探石行動就此打住。

直到分流村大休一個,士多補給計劃,10蚊一罐汽水,俾佢∼!5蚊一包出前一丁,俾佢∼!

祠堂門口咫艨}爐Tea一tea,咬緊杯麵既時候老殿感人路過一hit,做得好好∼食飽再哂太陽午睡一個,悠閒到了極點∼

Hea到四點先死返出大澳,睇埋09年第一個日落,再出東涌皇家飯局一番樂∼盡興而歸,很出色的1月1日。

 

相關遊記:

2008年8月16日

返回上頁返回首頁返回頁頂

 

Email