新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

地圖嶼西小屏風

小屏風,深坑瀝西面臨海一道十分可惡的屏風狀崖壁,相信喜愛尋幽探秘的山友每經過樓下鳳徑時都必會被其所吸引,駐足研究探遊的路線。由於遊人較少加上風化嚴重,小屏風崖壁岩質極之鬆散,探遊時務必要小心落石。

路線:大澳-二澳-小屏風-深坑瀝-大磡森-牙鷹山-尖峰山-大澳

隊員:Pui, King, Sylvia

 

0900東涌集合,早餐補給後打巴入大澳,大澳呢d都係平日先好入,紅日既話車費真係貴到攬雀尾=_=

1015大澳正式起步,鳳徑大路快步入二澳。

天清清影下雞公山研究下幾時會一登。

過根頭坳就會見到主打小屏風出現在左方山坡之上,唔理咁多見到短草坡可行就大方向沿脊直鏟上去。後方是堪稱全港最西的島嶼「雞翼角」,聽聞有連島沙堤可以就咁行過去。

上斜速度極快未到崖底三個隊員經已自己扯爆左自己。

搶攀100米左右就摸到第一道岩脊,三人分頭肆意攀爬,我嘗試沿壁向右橫移,睇下可唔可以搵到個靚位獵影小屏風一個全豹,點知分頭無耐就聽到家姐發出一聲哀號再連帶一串地動山移既滾石聲=_=!即時心都離一離,閃返過去一看究竟。

好出色!家姐表演真.爆衫!原來佢胡亂攀爬果時扯甩左舊籃球石,好彩家姐識得卸力!好冷靜咁用心口控定,再穿細籠門避開左舊落石,最後只係件衫介爆左個大隆就擺平左一次危機=_\=

等家姐變裝後繼續上路,一邊沿石脊上攀,一邊留意著進入小屏風崖下棧道的小路。

去到壁底的水平位置都唔覺有前人行過既路跡,唯有選一個看似可行既草坡帶直線切入崖底∼安全到達小屏風的崖下棧道,抬頭近觀小屏風,巨大到睇唔到個頂起邊。

沿壁底撥草而行,這時路線稍為偏上了一點,到達了一個環境有點惡劣的爛鬼懸空草坡位,搞左一輪都係唔掂,決定退一步返落少少搵路。玩小屏風都係建議玩崖下棧道好了,眼睇樓上d壁就知胡亂上攀既話被困之可能達130%

下路突破大成功。奮進之際誤中了冷箭,一支近1cm既樹枝打橫一野插入指公表皮,要開刀介大d個傷口先可以成條扯出黎,痛到眼淚都標=_=!

橫移到右壁,順光回影返成塊小屏風,正架∼

右邊的崖壁無中間果d咁惡,嘗試覓路上攀。

搵到缺口兵分兩路突破,在70-80度草坡加石岩中穿梭,上攀之時又稍為左移了少許遇到一兩個lup水位。

全員安全到達草坡區,完成今日既探險路段∼

最後黎多個小屏風全景。


繞至小屏風崖頂,大休開餐∼


好啦,開始下半場山頭補完計畫,首站就係背後的深坑瀝,小屏風頂左面山脊有小路可走。


除左熱到撻皮之外可以輕鬆抵達鳳徑,穿過靚仔高地草原一塊就可以輕取旁邊的深坑瀝頂。

標高柱被雷劈斷左=_=!?

下一站大磡森,原路接返鳳徑向北移幾百米那座就是了。

在東南面的緩坡經過一別緻岩再帶踏草而上,又一座∼

在山頂盤算著之後的路線,諗過沿大磡森的北脊直線cut過去水澇漕一帶再上返牙鷹,但比起鳳徑咁走法就多左百幾米上落。

嗯,商議一輪都係跟鳳徑繞個大圈有so。

但點知!又一次!我地起鳳徑迷路=_\=!!過左靈會之後唔知點解又miss左去慈興寺果面個路口,結果都係行錯路去左水澇漕果面…繞遠路兼食多百幾米上落,做得好好=_=

雖然極之氣餒,但難得地好有覺悟決定繼續牙鷹尖峰,旅程去到尾段體力去得七七八八,上牙鷹果幾十米都辛苦到想死。

山頂小休一會食下生果咁∼

繼續行程,脊線有明顯山路通往尖峰。

尖峰頂風景唔錯,可以俯瞰大澳加象獅虎全景,遠方鳳凰木魚都睇到。

離開取道東北脊,跟著絲帶落山,中途經過一個岩石區都可以一玩架,不過今日就無心戀戰啦,快快手落山接到鳳徑出大澳收工∼


結尾再追加一個Magic Hour∼

 

2006年12月20日

返回上頁返回首頁返回頁頂

 

Email