新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

Pui

地圖白石岩

從遠古的典籍之中,找到了這個遺失已久的秘境,這個秘境並不隱秘,只要你身處鳳鳳背上,必會看到狗牙嶺以東的山坡之上,有一幅大岩壁,而巨壁中央位置更有一片白得發亮似的圓石作為記認,呢一幅就係白石岩了。

隊員:Lok, Pui, King, Sylvia, Dino, abc

 

傳說中的危崖吸引了船上自視主觀的一群,更難得既係癲哥哥的出現,想來上次同佢出山應該都係成年前既年=_=

早餐團後小組十點由東涌打巴出發。麻埔坪監獄落車起步,沿車路上行到達引水道。

而前往白石岩既路線竟然係鳳塘石澗,記憶中這是一條悶到荒長到嘔既荒坑,估唔到會第二次光顧=_=

但入澗後感覺並沒有回憶中的差,11月都仲有清潭兩小口。

沿坑上到265的位置發現了通往白石岩的支澗,為左唔使無為地鏟200米林架,小組在入口猶疑左好耐,又對圖又check 錶咁,好少見大家咁認真。確定入口正確後a先生一馬當先殺入叢林之中,比起不時有藤蔓阻路既小坑,右邊的疏林坡可能會更架friendly,於是好快就地就鼠左上右邊山坡沿脊上攀。一早預左係覺悟級既密林,所以而家只係穿疏林感覺都幾輕鬆,係土質輕散要小心d落石咁。

林中穿梭近半小時,不知不覺翻過左山脊鏟左過右邊條支澗,發現到石河一大條!仲見到天架!感覺良好∼沿石河上攀,D石鬆散到呢,成米長既大石踩上去都可以跣左幾野,應該廿年無人行過。

石河環境唔錯,對出是大東及刃石頂一脈。剛剛完成捐林活動耗力甚巨,決定就地大休黎個午餐環節先。

食飽繼續,到達石河頂水平400米位置,黎講爬升經已過左龍,去到白石岩一半既位置。左移穿林而出就見到成座白石岩,證實左我地入的支澗係岩既,不過係我地自己翻過山脊爆左去右邊那條坑。

進入白石岩中段的巨大層台。風景極之出色,下臨鳳凰南面谷地180度全景以至鳳冠南岩全線均一覽無遺。

介紹返白石岩的白石,應該就是家姐手按著那一塊,雖然唔sure,但四圍研究過角度同形狀最似樣既就係呢塊了。

隨意攀登,嘗試下降白石岩較低的位置一觀全豹,但落左兩三層都未到底,都係放棄XD

岩下蔭頂位置觀景小休加咬下果∼

小休完繼續行程,臨走擺左個萬年堆在白石岩…留個紀念=_\=


沿岩壁上攀至狗牙嶺山頂,一路層級而上沒什麼難度。

輕鬆登上狗牙嶺山脊。

下半場仲未有計劃,不過唔理咁多經一線生機向鳳凰方向出發先。

路過虎吼石河,時間1500,這時有兩個選擇,一係輕鬆重溫下虎吼閃人,另一個提議係進入南岩玩到幾多得幾多,而最後既答案係南岩,好,夠率性=_\=

目標既定就要加快腳步,先一登久違了的一線生機,背景是遠方的大東一座。個人黎講上次登臨好似係己經係04年既事。

小休一會,1600開始進入南岩,搵個水平位置橫腰踩草cut過鳳喙峽頂。沿崖邊小路行走,腳旁就是十幾廿米絕崖。

遙想癲佬當年,芷珊初嫁了,雄姿英發,鳳喙遺恨。人道是,賊船 癲郎 鳳壁,亂石崩雲,驚雲裂壁,濺起千堆血。故地從遊,不禁感觸一番,一路上留意睇下見唔見得返當年染血既石頭。


越過鳳喙,回望後方可見哨牙石的影子,今日趕時間就pass過算啦,繼續望住茶壺咀方向前進。

下一站通鼠石,造型是亦是抬頭觀天,咀部位置仲有d尖牙狀既裂縫。

去到鼠石下方,可以在大脾內側的石隙穿過去,構成此走廊的巨石人稱「陸上破邊石」。

過卡通鼠後沿雙鼠棧道前進,林中穿梭15鐘便會見到「錦鼠觀天」巨岩,亦標誌著擎天峽的入口。

競樂從前經已一遊過,決定先行在天窗峽出口那邊等。

其餘隊員快速浴林中小路上攀進入擎天峽,入口的雜草都幾密,加埋碎石都有d濕滯=_\=

擎天峽去到最後高崖企壁三面環繞,完全是一個死胡同格局,聽聞雨季到訪的話擎天峽之內會形成三數道飛瀑,加上奇岩聳立亦數是奇觀。但今日黎講就水都唔多滴架啦,研究過由乾了瀑壁上攀,幸好最後都放棄左咁做,唔係就要上多百幾二百先接得到鳳徑=_=

回望峽外是狗牙嶺,嗯…天色已漸沉。到此一遊完畢快閃,沿路出峽路過積木崖接天窗峽的石河。

見到落探員一人站在峽右的天窗石脊上等待著,快速穿林攀石而上一登天窗石,此處確係觀賞擎天峽的好地方。


感人會合後速逃,剛好可以趕在太陽完全沉沒之前接回鳳徑,最後大路落伯公坳收工。

 

相關遊記:

2007年11月14日

返回上頁返回首頁返回頁頂

 

Email