新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖花瓶石頂

天氣的錯只好進行山頭補完計劃,一攬嶼東山頭,大霧Shit天上半場極速完成5座。下午天氣好轉,三點三茶點時間花瓶石感人會合外賣小子落花,嘆著奶茶成功試登花瓶石頂,自分感覺大滿足!

隊員: Pui, ABC, Wai, Sylvia
外賣: 落花

 

0900欣澳站集合,第一次去欣澳站,啥都沒有完全係不毛之地一個。小等一會人齊起步,本以為癲哥哥放鴿無繩玩插花,正想SMS落探員通知放棄行動之際,阿威竟然話有條30m!嘩讚!做到野!打俾阿落通知原定計劃進行,順手點埋下午茶。

四人離開欣澳站,沿著青嶼幹線向東涌方向前進,覓路登今日既第一個目的地「大輋峒」,經護土牆上山,又熱又焗死咁濟,家姐都頂唔順要小背心上陣!

上到大輋峒山脊終於都有d風,行起上黎舒服好多。經過山頂爛鬼標高柱再往前行一段去睇一睇個電訊發射站咁。嗯…無乜特別…閃人∼

走一段回頭路落三白岰上犁壁山,途中見到一大堆烏鴉聚在路中心,有點不寒而慄的感覺…繼續落四白岰上大山,沿山脊東行。


原本左邊陰澳右邊米老巢迪欣湖風景應該都不錯,但係今日全部被雲霧吞噬了,真係影相都省回。一路上石都唔多舊玩下,結果只可以悶走這一趟。

落昂船岰在一水務小屋旁鼠出來,在高速公路底越過馬路準備上第四座大陰頂。

搵路上山既時候發現一塊人工石壁,嘩唔理咁多攀玩一記先∼攀落…發現都幾直幾高架…=_\=

玩完人工牆在後方覓路登山,U字型咁繞個山谷登頂,大陰頂算叫有d石玩下,在山邊小石台午餐大休。

下午天色開始好轉,有d陽光咁。午餐後KO埋大陰頂再東行前往花瓶頂,山頂設置了一個航空用燈塔小屋,屋頂邊油左紅白雙間既斜紋,都幾靚仔架。唔知邊個咁無聊剪爛左屋仔d圍網,咁我地又好無聊咁入去影下相啦∼

清哂今日既山頭係時候進行下半場既主打「花瓶石」,下降花瓶頂東脊找尋花瓶石,遠距離經已見到一大條石柱插左起山脊上面,加埋轉晴的則光十分好睇!但遠距離觀察真係超直囉,點上呀那尾…=_\=

繼續沿脊下降,花瓶石右下方山谷發現疑是渡假村物體,屋旁種了一排椰樹,村前小沙灘後面還有個死水湖可以泛舟,都幾別緻。

到達花瓶石下,近距離觀察結論還提一樣「咁直點上呀那尾…」但威師令條30m咩左成日黎到無理由唔一試既,同攀夫一樣睇黎上花瓶要完成靠繩,對於威哥仔既繩藝…嗯…我信你!我信你架!!

正當阿威十分認真地綁繩圈既時候,a先生既電話突然響起,大概係外賣到著,但一接聽電話另一邊即時傳來一陣曼罵!「少你咩花瓶石!?花瓶頂等呀!」嘩家下送外賣都咁惡既…唯有傻笑而對∼嘿嘿嘿嘿∼

這邊廂阿威經已成功拋繩越過石頂,但再仔細研究下發現由外圍上攀高左兩三米而且都幾外露,都係重頭做起轉戰內則再Set過。鏡頭一轉西面外賣員終於都跨過千里山岳送來感人茶點,仲有斬料加送架,梗係嘆返個茶先再做野啦!背山面海野餐茶局,還會有更出色的辦法嗎XD!?

飲飽食醉HP全滿再攻花石,內則拋繩一舉功成,加埋後方大石完美anchor位設置完成。30m繩盡用,開頭唔知邊個話帶條10m繩黎試攀…嘿嘿嘿…=_\=Set好繩之後阿威話佢淨係幫手set繩唔會試攀,即時令人信心大增呀!!

嘩唔理咁多優先試攀,由內則上第一層石台都係三四米高度左右,但絕對係筆直一試,零手腳位全靠繩,每一步都猶疑兩年,下段只靠手拉繩撐牆上,但臨頂之際頂唔順都係要踩一踩個繩圈,一踩繩圈繩索張力全開,即時下墮了30cm=_\=一時驚愕!!穩住身形後成功踏上石台!Yahhooo!

上到頂雖然唔係好高但感覺都虛虛地…都係快手搵個靚位坐定定先。家姐跟手挑機,大家都不遺餘力上下其手既幫忙,好快就成功上攀。再黎落探員a先生,無難度啦,石頂既位置都買少見少,為免被人破冰轉身推倒,都係以靜制動好。到最後既花花,上到近頂時竟然轉mode醒目仔玩法放棄登頂!花花入唔到花瓶確實可惜!最後四人成功登頂!影相留個紀念啦!估唔到咁花石行動竟然一舉大成功!讚!真係要恭喜哂放鴿既癲哥哥!

石頂太窄都係不宜久留,影埋相就開始逐個下降,下降時信心120% up呀!造型照啦仲等!?d相真係浮誇到不行!!

就咁都玩左成個鐘呀!五點幾開始天黑先捨得收野閃人∼經花瓶頂取道無盡石級急降收費廣場散隊∼完∼

2007年2月10日

返回上頁返回首頁返回頁頂

 

Email