新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖嶼西異獸戰

路線:將軍石-虎山-寶珠潭-楊候古廟-象山-獅山-大澳

環繞大澳一圈 10k plus

隊員:Pui, 鬼, 樂, 威, 胡, 特, 公, 棠

 

星期六晚上先入東涌閒逛購物,發現很多萬聖節玩具。購物,買了大量糧水聽日用。之後行過去車站,1035去到發現撘半走左班車要1115先有車。

返地鐵站坐樓梯發呆,等到比食Q趕走時間都差唔多,就行返過車站。剛抵車站精彩的一幕瞬間打破了全站人的隔膜。太吊…上車,睏。入到大澳成十二點,再行三四個字先去到阿樂間屋,又幾靚喎間屋,三樓連天台三房一廳望海渡假好地方。安頓好行裝阿樂帶我地落街行下,去碼頭睇下星爬下燈撘,成班街童咁。

第二朝本來諗住飲早茶結果太遲起身只有包食,阿棠對住一個包只有無奈。(多謝阿樂請食包~)晨光第一線,水退了的早上 ,吃飽包後出發去順遊將軍石。

總覺得D 棚屋淨係用幾條木撐住唔係好穩鎮咁,有D仲要起到兩三層咁高…不過又真係幾無特色既。

大澳的貓睇黎特別悠閒。 發現炮座乙座,係打海盜定打仗呢?

綑邊約15分鐘便會到達將軍石,十米高的海蝕柱…


這裡應該可以直登虎山頂,但攀爬有難度及及避免非必要鏟林都係玩下石影下相算數。賞完石沿路撤出,好餓決定咬個麵先再前進。

覓路登虎山,發現明顯山徑一條。路口貼左紙話即將施工闢一條山路…上山賞墓…

行行下密左,在掃墓人仕指示之下鏟草坡越墓地登上山脊。遠望虎山山勢,全山高點約為80米。標高柱在左邊,而我地就向右前住落寶珠潭。經過一條小密的山路,行動成功!見到寶珠及狗伸地了!

重返校園演繹青春的一幕。黑板上寫住是日菜單,發現全部都係雞…

阿威現出真身,JUST DO IT!     

順遊楊候古廟,但係無開喎。由於一水之隔既關係我地要繞路村落過象山那邊。

雖然棚屋都翻新了,但仍保留了香港難得一見漁村風貌。哂咸魚、製蝦膏、 花膠。

新基大橋。

經墓地上行,未幾可以發現嶼北界碑在海邊方向的山脊上。此碑紀錄的是新界租借地界線云云,有百年f史之久。

沿脊上行,獵豹擋路,阿樂急不及待第一個攀上豹頭。獵豹石約兩米高,外型就像一隻昂首遠望的豹。

可以由豹頸爬上去,一眾團員大玩危攀,一賞下臨無地之感。

阿威的二頭肌展示了實力,謀殺了菲林,胡女士都忍唔住要篤下佢。

繼續前進,左前方的象山副峰滿佈亂石,山勢頗雄。見到象山頂又遠又高,諗住唔上,決定繞山岰位過獅山…

亂石處處的象山,沒有林蔭,只有短草坡。雖然地圖上沒有路徑顯示,但在山脊線上已行出一條頗明顯的路。繼續行有耐發現被一條大深谷所阻,唔想鏟林既我地唯有乖乖地踏上登象山頂之路…結果途上都係少鏟了一段…

幾經辛苦上到象山頂,頭痛得要命…= =,休息一會便繼續下降獅山之路。眾人忘卻了痛楚,越過了死亡的深谷,帶著傷痕前行。

下探小花狗!我站在狗頭之上,阿樂就坐起狗尾上。側面看過去就好似一隻松鼠狗之類的東西。

一谷之隔是雞石,阿威站在雞冠之上。雞咀上大休,阿棠再次出動冰極計劃。

由於在象山上消耗左成四個鐘,後段陵風牙鷹一段唯有擇日再戰。落山之路有一條電視天線…跟住佢落山會去到一小屋後面再出靈隱寺。

山腳遠望雞狗石,馬路邊有箭咀指向山上,旁邊寫住「雞犬不靈」…追日落唔成功,好采起山上都影左d。返大澳,完成環繞一圈,撘車出東涌食晚飯。

 

2004年10月17日

返回上頁返回首頁返回頁頂

 

Email