新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖錦山社山

山頭補完計劃之其一,所謂山頭補完,基本上有名或有條標高柱都會一登! 今次去的就是大埔火車站旁的138m錦山,同位於社山村附近195m的社山。

隊員:落競

 

138m錦山,大埔火車站一望就望到,前排更加出名,因為鬺琣P阿競去完之後第2日,錦山村發現死雀引起禽流恐慌…我地仲去左鏟林,咁都無賴野真好彩 =。=

村中路亂到不行,加上要時刻防衰狗撲出,神經緊張…最佳做法係使出問路技,村民真係好好人,指點我地去到一登山口… 路的確係有,算…大架咧…

但最後到山頂時見到靚石屎路石亭的一刻,真係令人啼笑皆非。山頂完全人工化,但保留左幾舊大石可玩。

下山完美石屎路…對面正是下半場的社山。落幾步樓梯就接左條靚山路暴走,走呀走,走呀走…一心諗住走捷徑的二人唔知點解又去到無路的境地,又山墳又廢屋又廢田咁…搞左一輪終於有路離開,最終捷徑走唔成,都係行大埔公路去社山有so。

行行下發現有「泰國寺」的指示,一心參觀下既二人成功搵到泰國寺,但被極忠心,嚇都唔理的巨型惡犬所阻,寺內僧侶亦不施援手,看來此寺是不開放予外界麻煩遊客參觀的。

行一大輪馬路,決定順遊林村許願樹,更食了一記豆花,hp完全回復!而棵樹就幾慘,睇怕都果頭近咧,另撩人買寶碟的阿婆們狂鰤邪艨],見到都驚…食飽好上路,又入左不知名的村落深處,再度得熱心婆婆指路,鬗j平原上向大樹直線前進,感覺好好。

終於去到社山村,有大量惡犬,有d大到隻牛咁,雖然鎖住但都幾驚…

眼大睇過龍下竟然行一輪先搵到社山神木,的確係好大既一棵樹,但又無想像中咁超大,都可一遊既∼

離開社山村,開始大方向推進,一心諗住去到社山條主脊應有山路。 途中經過好多農圃,幾靚。

發現山路及絲帶乙條,gogogo!但勢估唔到竟然出現想像唔到既障礙!就係村民!!

今日一路靠村民之助圖都幾乎唔使睇,但我地上呢個脊時先後比3名男村民力勸離開,原因係「前面無路架,得墳架渣,你信我啦,你落山…點點點…」 一聽到我地話想上社山,佢地都搭左去社山村,花左一番唇舌先繼續推進,果然,鶻X的盡頭見帶,心諗無死啦…

結果中計!上段條路無左,棘高過頭…而鏟到最後…發現兩米闊終極靚路一條直達山頂=_\=!

究竟村民係指呢條路定真係搞錯左實在係一個謎,但社山今日多左兩個傻仔就係鐵一般既事實。落山,衛徑對上有座平頂小峰,上有巨岩一舊,一場黎到當然唔好放過…

近睇都唔係咁大舊,又無乜好爬,走吧啦。

順遊樊仙宮落山食個靚tea~咁都玩到5個鐘,可知條路行錯得幾離譜…

2006年1月14日

返回上頁返回首頁返回頁頂

 

Email