新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖麒麟西崖

意料之外的Max天氣下進行四小時悠閒路線,輕攀麒麟西崖加山頭補完羅天頂、牛潭山,最後參觀埋荒廢渡假營再出元朗下午茶,十分之輕鬆寫意。

隊員:Pui, King, Sylvia

 

10點半上水火車站集合,小巴$7.8入麒麟村去到山腳就叫司機隨意放低我地。

一落車經已見到成塊麒麟西崖起面前,遠觀其勢似乎十分兇險!

在墳後小路經過一片枯草叢到達短草碎石帶域,幾鍾意枯草區既荒涼feel,沒有正路大方向對著崖底直上就是了。

15分鐘便可以底崖底,兵分三路各自隨意攀∼


近觀發現西崖盡由大型岩堆砌而成,多作70-80度坡度加上無限手腳位,岩石之間有許多草帶棧道可以繞上頂,自視主觀地覺得十分之輕鬆。

但返去睇返d相…險到咁既!?人在天崖背景造型一番樂∼

臨頂位置寫意危坐觀景,新田米埔一帶盡在掌握之間,估佢唔到咁好天。


飛越大裂峪,正午1200 成功登頂222麒麟山,快。

不作停留南路落山繼續搶攀大羅天,下降途中回頭一望發現西崖偏南呢邊個勢仲惡,家姐都忍唔住要走返上去影張相留個紀念。

大羅天,咁望都真係幾遠下…但今次唔去留低佢一座孤伶伶咁應有排都ko唔到。

大路南下,回望麒麟山,啡色草皮好正。

臨到山坳馬路位離奇地miss左條大路,無聊地爆左20米=_\=競競就醒目仔由旁邊大路慢慢行落黎,高手高手。上大羅天入口就起正對面,嗯…好唔吸引。再考慮就會放棄架啦!走吧啦!

完全唔理家姐既感受係咁扯上去,直上到一個小植林區先停落黎玩下石。好玩呀動態攀登,阿家姐對快艇出賣左佢,被困啦∼正wa∼

玩完石再爆,1330抵大羅天山頂。

東面平原有蕉徑、蓮塘尾同我老家丙崗等小村落,再遠d上水都見到,好景∼


小休完畢取道大羅天西脊落山,順手ko多一座牛潭尾山。

呢條路明顯少d人行,條路都變到唔係好睇到,踩草落山最後cut到馬路。

跟住馬路閃人,遠望到下山方面既風景好似唔錯!

有好多五顏六色既樹開哂花咁,一陣經過可以獵影一番!

點知去到馬路盡頭竟然有鐵閘!?嘩回頭路別要走,心諗渡假村隉A又見到鐵閘上面有帶…梗係爆入去先算啦!

入到去風景果然讚,D羊蹄甲開到爆哂,日本櫻花都係咁上下,使鬼去日本睇咩。正當影相影得興起既時候,突然出現左幾個阿姐喝止左我地,嘩原來我地潛左入軍營YAHOOOO~!=_\=

腦海閃過三個間諜在機槍聲倒臥既畫面…但鏡頭一轉,阿姐又十分之FRIENDLY地指示我地立即離開既出口,仲好好心咁提醒仲起度亂咁影相既衰仔競「你好收埋部相機啦,唔係俾兵大哥見到會沒收架。」真好人∼

最後同守衛阿兵哥如實地報稱爬山了迷路,就連登個記都免了,三條友就大搖大擺正門離開,輕鬆完成4小時行程,hAPPY~

相關遊記:

2007年3月2日

返回上頁返回首頁返回頁頂

 

Email