新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖龍山

原定計劃連遊公主皇后上埋大嶺皮再KO龍山完成,但係一開波經已改行程,見車去龍躍頭就反轉黎玩。

先遊龍躍頭文物徑,參觀完鄧公祠後在村後覓路登山,路斜林豐,一路仲走在秋蜂既陰影之下,幾經辛苦捱到上副峰,可幸景致開揚,盡覽北西南三面風光。賞罷登龍山頂再下降流水響水塘完成,撘車閃人,腰斬左一半以上行程∼

隊員:Pui, Lok, Wai

 

粉嶺明都食住等,人齊就落小巴站搵車撘。落到去一眼就望到有架小巴入龍躍頭,隊員商議左半分鐘,決定將成個行程反轉先玩龍山,仲可以加遊埋龍躍頭文物徑。

幾個字車程就入到龍躍頭,本來打算直入老圍先起步,但係起車度望到石廬外圍長滿黃花同紅毛草,十分吸引,於是立即下車參觀一返。十分古風的建築物,牆身長出樹木來,加埋四周野草叢生既環境,真係別有一番風貌。

入村繞去另一邊的老圍,途中見到路邊停泊著一架古董勞斯萊斯!果然係文物徑!!行多兩步進入老圍參觀。

沿窄小的正門越過數米高的城牆,右邊係行人止步區域,仲設置左清閒的惡否乙隻。

舊有的建設用無數的彩磚一塊一塊砌成,四周的城牆十分寬闊,踩單車都得,應該係巡邏之用啦,但係拍兩下發現牆身入面係空心的。好細既一個圍,行多兩步就繞場一周去到遊人止步區,唯有在圍中間穿過,見到有部份空置了的房屋日久失修下塌了。

離開老圍再順路到鄧公祠參觀一下。

除左門口多左個食Q阿姐之外,同一般既宗祠分別不大,祠入面仲放左好多展板,十分奇怪。

睇完古蹟開始主菜,穿過祠後的村落,在一個小公園旁邊發現有登山的靚路,上得咁上下驚覺係接去墳地的,之後變成小路,在越過荒坑前的分叉位左轉登山,越行越密。一度錯失了路丕要爆一段林仔。段路都頗斜,要行到去電塔先有得抖抖。上得咁上下就可以見到龍山寺出現在另一面的山岰下。

幾經辛苦突破叢林在山岰位鼠出黎,還誤入秋蜂的地頭,真係一步一驚心。脫離後被小副峰的岩石吸引去了,踏腳而上又有山風,十分爽快。

風景唔錯,由於向北無乜高山,粉嶺上水一帶盡覽,仲隱約睇到深圳地區。

另一邊有更明顯的登山路線由塘坑接上來。清風送爽,實在舒服到唔想走。再影下相小休一會就繼續向主峰進發。

西南脊!有D石玩下睇黎。上到360副峰有小量戰時遺蹟。

370主峰就在隔離數十米。

下望!近有皇后山、大嶺皮、再遠D有公主山禾徑紅花!最後面勁果座又係梧桐啦。

另一邊石坳山、龜頭嶺、南山、屏風山。

山頂旁的草坡又有戰時建築,作用不明。再行出兩步睇既時候竟然驚動了大黃蛇乙條!成米長係咁擺動身體典走!真係嚇鼠!!唉越玩越R真係要改名「怕死行旅」。驚魂稍定就沿大路閃人下降流水響水塘,中途不乏碎石路,極之期盼隊員威會使出無力挽。

落到水塘回望龍山,山形一般,見到主副兩峰中間斬開左。

沿大路行返出去撘車,下半場?一早Cut左啦。行出去見到大嶺皮個山頭仔,長滿短草加散置的岩石,幾好睇,有機會應會返黎一遊,同埋隔離既皇后山…

2005年11月19日

返回上頁返回首頁返回頁頂

 

Email