新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

中秋環湖之旅

時正八月十五,相約 lok and friends一干人等進行夜行出黃竹角咀長征之旅。為了是夜的行程,專誠買了一個新背囊,300蚊45L Mountain Wolf,好似好抵。但係呢晚個背囊就真係重到P…預定集合時地為1030大埔火車站,出左少少出門口決定先入大尾督睏一睏先…

隊員:Pui, 樂, 特倫斯, 公, 棠, Mary, 真.追龍Dino

 

入到去大尾督發現好多人好熱鬧,就一路沿主壩行去壩尾避一避喧鬧的人群。

因為大把時間行得好慢,一邊行一邊睇夜景賞月。行到近盡頭找個地方呆坐。等…寂寞到夜深,夜已漸荒涼,夜已漸昏暗…

結果在主壩等到十二點先見到班友仔施施然玩著瑩光棒出現…終於人齊出發。走到主壩的盡處左轉沿馬路前進,會有一鐵閘阻路,唯門沒有緊閉,人可以穿過。

好耐都無試過Full Gear 出擊…行得都幾慢下,用左成兩個鐘先上到去長排墩。上長排墩頂見到另一隊人,真係好,咁都見到行友。但係佢地果隊好似有d 問題,有個隊員飲左酒行唔掂嘔…過左長排墩之後上鵝髻頂又係另一個考驗,條路真係爛到你驚,正當我我以為上到頂休息既時候Dino突然出現!好癲呀!竟然真係一條友追我地!Din!!!!!!!會合再出發發覺唔係好對路,原來我地仲未上到鵝髻頂…接下來又係一條爛到癲既路!很有踏上不歸路既Feeling。好不容易闖過了,最後便只餘下鹿湖峒一峰了!上此山時發現這樣已鋪了新的石級…當時還真慶幸 有這些梯級,唔係既話,依此山既斜同爛既程度黎睇,我地都有排玩…上到鹿湖峒休息了一會睏左兩個字…五時了…

翻上跌死狗得知已不夠時間出咀睇日出…決定就地等待太陽既來臨…天空漸漸變光…

在極早的清晨遠望矇矓的山岡,感覺有些蒼涼…厚厚既霞氣令我地睇唔到日出既一殺…可惜,亦可幸無出到咀…

Dino靜靜期待太陽從霞光中出現,等唔到發爛…持u青口出黎食。當日既日出時間為615,我地等到630都唔見太陽,決定離開,退回鹿湖峒頂弄早飯。

豈料正在撤退途中回首一看竟發現棗紅色的太陽出現在後方!

雖然唔係由地平線升起,但總算看到日出,大顆兒立即動身影相!

耶∼總算成功!來一個合照先!好∼煮早餐!

早餐雖不算十分豐原,但在山頂食早餐再加上微暖既陽光,感覺實在很好…

麵、魚蛋、菜、腸仔、熱飲。

雖然早餐時間實在很寫意,但係為免受烈日乾煎之苦,食飽之後都係速逃…

向烏交騰進發,要登上觀音峒,遠望觀音峒的山勢十險峻,兩脊如鐮刀一樣。

下降下苗田時路過一個枯樹林。

越觀音峒及大峒後有明顯山路落下苗田,中途可遠望到吊鐘籠。此段山路開始有烈日相隨,多得阿棠既冰極之神保佑大顆兒先可以安全到達下苗地的苗三石澗。見到苗三石澗大家即刻洗面洗手消暑續命…

在這裡再行不久便出到烏交騰了,在士多休息飲汔水。
再順遊照鏡潭瀑。沿澗而上…行人路在旁邊…

十分精彩的照鏡瀑,竟然仲有咁多水!仲有水蛇乙條探頭出來同Mary女仕Say Hi∼

雖然唔成功出咀,但係今次既行程都好正,真係低估左出咀既路段,好采今次係夜行,如果白天去應該未去到長排墩已經戰死左…到最後我地都係見唔返昨晚果隊人馬,佢地應該係原路退出左,希望佢地無事啦∼

有機會會再踏上出咀之路∼

2004年9月29日

返回上頁返回首頁返回頁頂

 

Email