新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

上水華山

上水集合起步,先探位於掃管甫的亨心樹,繼搶攀海拔20米之靈山,覓路登上馬頭嶺,順走上水華山山脈至虎地坳,越過九廣鐵路登大石磨賞邊境及深圳景色,最後下降河上鄉品嚐豆花完成。

隊員:Pui, Lok, Kona, ABC, 殿後

 

十點上水新都大家樂見,食飽起步先遊掃管甫的亨心樹,掃管甫就在上水中心旁邊,十分易搵。

要得知亨心樹既資料可以去商務打下書釘咱貍_異遊望下…在公園找了一會就見到該樹,扭麻花咁中空左棵樹,都幾有趣。

睇完亨心樹經北區公園去到靈山山腳的寺廟,就在廟後穿疏林而上,由於爆極都係得20米,好放心想點搶攀都得,上到頂除左見到三個關二哥竟然在一旁樹叢間找到標高柱!可謂行動大成功。山頂零景觀,行另一條路落山,在山腳又見到一個石碑,但無留意寫乜。

經過靈山村返回大馬路,經過烏鴉落陽及小坑新村直線接近馬頭嶺。中間當然唔少得比村否歡迎一番。

在小坑新村的榮發石廠旁邊發現有登山小路,中途遇有分叉路向上行就ok,咁就可以一直上攀登上馬頭嶺山頂,山頂上長了一棵孤獨的小樹。

馬頭嶺上終於看到華山山脈上連綿的舊軍車路,驟眼睇真係有d長城Feel。踏上軍車路,原來好多位都極斜!!要使出倒後落山先得。

在主脊右邊的小支脊盡處有一巨石,見有時間閒遊埋佢去右脊既時候會穿過一d破舊既靶場圍欄,經已可以自出自入。在巨石處可以近觀黃茅坑山,過多一排應該會填到山頂都唔見埋,

去到石岩時殿後來電話經已臨華山之癲正等待會合我們,於是三人發足狂奔上華山。

紅紙三封成功入手。華山下方就係練靶場,在路邊見到有靶紙一塊,可以變身移動活靶。華山頂見到覆雨翻雲碑,係咁2抖抖再起行。

一路向北,繼登松山,華山山脈真好,一下子就可以連登幾個路旁山頂…下望華山村找尋星之碎花老巢,如此塞外小村竟建有一間學府,難怪可以造就阿花如此人材。

黎到華山山脈最後一個長甫頭當然都唔會放過,可以先行一段掃墓小路,之後再踩草上頂,山頂被鐵絲所圍,另一邊又係練靶場同禁區。 

沿鐵絲繞去靶場的另一邊,中途突然聽到樓下廣播「今日既捉蛇行動正式開始」…以為話我地,真係比佢嚇一嚇。

離開長甫頭沿馬路下降虎地坳繼續往大石磨前進,去到鐵路既時候abc終於追龍而至,12點幾先放工再全走華山山脈追黎,真速度王也。

同火車中既乘客Say Hi,之後在火車軌下鼠過去,再行大型輸水管過河。

兩條友唔知爬上去做乜,搞到成手都係塵。過河後有分叉路,小心唔好行左佢禁區果面。

轉入排頭路,有好多類似貨倉的東西,之後搵到一舊車路上山,上少少經已可以睇到深圳巿的大鱆L立。

十分撻皮的路,好鬼斜!!車路盡頭可以去到一座荒廢了的建築,隨便入內參觀又發覺十分新淨,奇怪奇怪,係一個宿營既好地方。

走兩層樓梯上天台休息,風景唔錯。

遠望返華山山脈及羅湖一帶,火車在梧桐河旁行駛,加埋五顏六色背景,幾好睇。但係近觀既話梧桐河係屎水、而果d彩色就係爛鬼貨櫃…

續上,又一個不知名的建築物,仲有座類似發射塔的東西同埋一個直昇機場,玻璃窗都全部碎哂,小心玻璃碎。

行去建築物外圍,成個深圳巿睇哂,仲見到怨念既筆架山…小休吃蘋果,一流。

離開建築物南行,路過了大石磨的標高柱。大石磨的另一邊山腳又係練靶場,仲插左紅旗添,但係又唔見有人打緊炮。都唔知要咁多靶場做乜。

回望大石磨的東崖,有好多露岩,雄心的朋友仔經己玩左,可以參考一下。我地就梗係快快手落山食豆花。山腳下既村落就係目的地河上鄉啦。

沿脊急降,十分大路,尾段穿過了墳地回到馬路,yo完成。

覓路前往河上鄉的豆花廠,途經侯公祠,本想入去參觀一下,但係過左五點後謝絕參觀,比阿叔趕返出黎…真係唔開心。

向村民問一下路,終於成功去到傳說中既任食豆花廠!招呼十分不俗,有六蚊任食既套餐,仲送埋PR投懷送抱。

雖然係六蚊任食,但係今日遲左黎,只餘下最後三碗都比我地清埋,老細仲淨係收我地兩碗錢,真係好人。除左豆花仲有其他產品如豆漿、茶果、燒賣、腐乳等等…今次遲左D食得唔夠盡興,唯有再Plan過黎覆桌!!

清埋豆花就返出去等小巴,侯公祠附近還有一所荒廢小學入內參覯一下,見到有好多膠樽,嗯…同我手上咻磲G支豆漿個樽好似一模一樣…=_\=

2006年2月4日

返回上頁返回首頁返回頁頂

 

Email