新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

白燕岩

沙頭角路河壩村起步,順遊高甫山、大嶺皮、石坳山,下降鶴藪水塘。水塘邊護土牆覓路不果,決定強登白燕岩,最後出丹竹坑完成。

隊員:Pui, ABC

 

粉嶺午餐後會合ABC,為省回3K決定撘小巴去起點,但係唔知可以分段收費俾貴左2蚊做左傻仔,好唔開心。

去到河壩村落車起步,穿村漫步,睇地圖見到村後有座海拔60米的高甫山可以一登。登山入口在垃圾堆旁邊…初段都有少少密,仲有山火燒過既痕跡,上到頂成條褲都污糟哂,好采著黑色褲,贏左。

60米高既高甫山都有標高柱,小休觀望下山腳村落,雖然視野一般,但都睇到公路另一邊的禾徑同黃茅坑,睇黎下次玩呢頭都走唔甩呢兩座。

之後繼續朝大嶺皮前進,踏碎泥草坡返回鶴藪郊遊徑大路。

在公益少年團牌後小路登上大嶺皮。

山頂只有亂草,無乜睇頭,上次由流水響果面望上黎覺得唔錯應係幻象黎。

不作停留翻落流水響道,下方可以見到綠田園的基地。

沿馬路步入流水響水塘。

沿郊遊徑登上第一個頂「山火瞭望台」。小休一會繼續前往石坳山頂,過四叉路口位後在路左覓路鏟上頂。

上到頂時都差唔多4點,望住對岸既南山同白燕岩,心諗睇黎都係凍過水要腰斬掉,但係ABC一登既意欲似乎十分強烈,嗯…落到去再算。

於是再出發二人快快樂落去到鶴藪水塘。在水塘邊的護土牆下面徘徊,審視一下邊個位有路可以上山,睇完一輪後發現唔到靚大路意欲收皮,ABC竟提議爆上護土牆看看…=_\=…OKOK…

就上去睇下,上到一半個護土牆越黎越斜,ABC放下背包在水渠爬上去看看,點知成個背包碌左落黎…型!更弄掉了墨鏡及手錶…不過發現遺失了裝備已是後話了。由於太斜都係放棄上攀水渠,但係又發現可以起另一邊繞上牆頂。

嗯…進入了一片疏林,穿過了疏林開始進入叢林地帶,自此步上了不歸路,黎到呢個位就唔會返轉頭,必定爆到上頂方休。白燕岩下段…全部係心口高既草叢,找不著較明顯的路徑,睇黎呢段路都荒廢多時。草叢多為芒萁,都唔算太難鏟,但係半條脊都係咁鏟上去個感覺就唔係太好…

上上下見到隔離衛徑大路有兩個行友,於是大叫Say Hi,點知原來係外國朋友…加上太遠聽唔清楚我地講乜,好似一度以為我地求救…=_\=

幾經辛苦去到中段短草地帶,間唔中有D石台可以小休一下,下望鶴藪水塘,嗯…都上左幾高啦。

小休後上頂,臨頂一段好多碎石斜坡,找尋細小而可靠的手位,小心翼翼上攀。五點零終於爆到上白燕岩頂啦!!

左右是屏風山和南山,由呢個角度望屏風都幾新鮮。

時間都唔早,都係快D走,沿脊而行發現白燕岩這道脊好多露岩可賞,十分不俗。

最後大路下降平頂坳再出丹竹坑,決定邊行邊等車,但最後行到出公路先有車撘,一野返上水晚飯完成。

2006年2月11日

返回上頁返回首頁返回頁頂

 

Email