|
＠一開始暴哂，無乜心機影相，直至黃昏上到仙姑峰無咁熱先有興緻影下相…十一點半起鹿頸開始行！行得好快！但係行錯左一次路...真係灰要走回頭路…成兩點先至去到烏絞騰，起士多度比左ｄ餸阿姐煮麵比我地食，好正！又有冰冷野飲！起果度抖左成個鐘。
 
＠五點半終於上到仙姑峰！下面係馬騮崖同大尾督。上八仙嶺果時Queenie跌親整到件面…喊哂！好驚！ ＝ .＝||
 
＠影下相留個念先。
＠日落啦，要趕路行快d啦，唔係今晚唔使睏，狗比行行下抽筋，好采有三個壯男幫佢又拉筋又按摩咁好快就無事啦，唔係要咩佢落山都幾係野~
＠純陽峰崖邊。
 
＠就係咁我地起八仙嶺果八個山頭上面上上落落左成晚。行到成十一點先至到營地，鶴藪水塘營地。果晚好頹咁紮營煮完野食就睏覺啦，真係頂唔順好鬼眼睏！第二朝八點幾起身煮早餐執野。
＠Queenie同forward決定唔行，佢地朝早撘車走左，仲幫我地攞走埋d tent，真係太好啦！即刻輕左幾多呀！
 
＠九點九再出發！！今朝都好哂，但係d裝備輕左好多，行得都唔係好辛苦。起桔仔山坳附近行行下聽日有野起樹林入面郁喎，以為有人添，點知望真d原來有隻赤麖起林入面喎！但係佢好快就閃走左啦！
 
＠上九龍坑山途中，果個發射站就係九龍坑山山頂啦，好遠！
 
＠終於上到去！呢座野原來都起得幾型。
＠Mandy得到想死咁…
 
＠過左九龍坑山就係一條直路落山啦，在中途的一個小山頂休息。途中仲會見到康樂園，ｄ屋真係好靚，間間都有泳池架！
 
＠第二日全程都無大休，飯都唔食呀，諗住快快手行完去食tea！
 
＠就係咁十二點幾就落到山腳去到大埔頭水圍！再加快腳步去半春園！
 
＠開頭以為唔使再上山，點知仲有幾個小山頭要上…狗比行行下話暈，咁家鳴就幫佢做呢個穴位按摩，真係辛苦哂家鳴！
 
＠三點三終於返到去大埔火車站啦！！唔理咁多去大家樂食個靚 tea先！！終於上哂山藝既堂啦！！
2003年9月12日 |
