新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

釣魚翁東崖

探遊神秘險地「釣魚翁東崖」。相思灣路起步,抄林至山腰巨壁底,上攀80多米企壁直抵釣魚翁之巔,暴走郊遊徑一登田下山後下降大廟小休午餐。下半場試綑清水灣半島海岸潛入高球場至佛堂角,賞鐵砧石後沿路逃脫出布袋澳完成。

隊員:隨少俠, Pui

 

相約隨少俠挑機傳說中既釣魚翁東崖,九點集合,十點先見人,Happy。唯有自行入林行下睇下會唔會發現小路先…

會合後沿大路上山,先行一段避一避d林,上得差唔多見路就亂入,沿一掃墓小路去到盡處就開始抄林,林木不算健康,但泥土幾鬆散。

經荒坑而上會係一個較好既選擇。隨少俠好似好趕時間,林中疾走跟到我大撻。重見天日既時候經已到達巨壁底。吾尚在觀察之時,隨少俠經已一馬當先試攀去了,睇佢幾個上落就翻到了壁頂,還拿出利器來修剪一下荊棘後便揚長而去,可謂遊刃有餘。

之後到我跟住上,上到臨頂發現手腳位極差,左摷右摷意圖搵d靚位,但最後都只係搵到腳指位同斜壁、手得一節手指位同爛鬼枯木,心中不禁咒怨「x心你條粉x,係咪癲那左,咁險都上!?」亦驚覺實力既差別!進退兩難,但見下攀退出亦有難度,於是一鼓作氣勉力上攀,用面硬食荊棘而上…脫險=_\=

續上經過一壁底小棧道,盡處是個懸空的斜壁,這裡需要繞出壁外再左轉繼續上攀,又係一個下臨無地既格局,左轉果野上面有舊凸肚石會頂個人向外。幸好有前人置下的繩索一條供借力之用,如果唔係有條繩仔幫手應會lup水到唔敢上。

過埋呢關都仲未有好日子過,高潮一浪接一浪,跟手黎既係最程最險位,面對住前方的一塊巨壁真係無從入手。

隨少俠驚覺正上方有個小峽位估計可以穿越翻上壁頂,豈知上到去發現峽位太狹窄上唔到。

二人左右橫移再探路,左方亦係Freefall.com,唯右路較為可行,同頭先下方有繩個懸空凸肚位差唔多,不過今次無繩=_\=,而下方只會更高更直 !!

心理壓力極大,但幸好手腳位良好,小心越過此關,過埋淺草區就真正脫險!!

尾段既行程較為正常了,只餘下一塊70零度既碎石壁。

攀多十多米就會從山頂的標高柱旁邊鼠出黎!!完成東崖探路既壯舉!!

說實在的,今日既行程到此為止我都自分感覺大滿足,但見隨少俠露出一非去不可既強烈執著,一綑清水灣半岸睇黎勢在必行,我又怎忍心起呢個時候提議不如去食Tea…

提即管捨命相隨一記,二人沿釣魚翁郊遊徑向大廟方向前進。

二人先一登田下山,大路上速度立見真章,在下踩行油都被拋離了半k,太可惡!

到達大廟,順手影下個石刻,午餐休息一下。

下半場開始綑清水灣半島,唔知隨少俠邊度收左風話可以綑到去胭脂岩,所以今日決心試綑。起步點附近海灘極多海草,心諗游落去比d海草纏住哂都幾好玩。

一路去去佛堂門一帶,在高球場避開一眾職工既耳目,潛入埋都相當順利。

翻過碼頭去到球場內既海邊,但發現前方為斷崖阻路,再前進既話泳綑之必要。

二人四周探路在海崖間的一道石隙繼續上攀。

沿隱約的小路去到高球場內的小崗上,眼看下方的千仗直崖加上濁浪翻滾,心知再前進可能是條不歸路,二人便盤算不如早歸。

難得黎到佛堂角,一定要坐多陣睇下風景,在這裡面對一望無際的外海,下方是佛堂門聞名的鐵砧石。

而左邊更出現大半座寶鏡頂!!南坡是一整塊三角形的露岩!十分漂亮的山!但睇黎一登寶鏡頂真係要有所覺悟…最後二人沿路綑返去大廟完成撘小巴閃人。

2006年3月30日

返回上頁返回首頁返回頁頂

 

Email