新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖石屋西稜

天陰雨濕進行山頭補完計劃,先遊大灘獅地、通沙頂,再經老虎騎石探遊石屋山下降西稜,是日5山入手。

隊員:Pui, Lok, 鬼, ABC

 

早上一輪聯絡工作過後,有半數隊員戰死,只餘下4人成功到西貢集合。

早餐後原定計劃車入黃石碼頭起步,沿大灘郊遊徑海邊推前,中途見到五條臭狗在岸邊對出小沙島上開P摸魚嬉水,條尾擺到就黎甩咁,應該十分之hAPPY。

 

經過兩三個似路非路的入口,暫且忍手再探,成功搵到登獅地大路,太大霧既關係,高流灣都係僅僅可以睇到,都係專心登頂吧啦。

登上半山一座石台小休,在上面發現佈滿烏蠅的神秘內藏一抽,12分嘔心。

遠望剛剛小狗開p的沙島因水漲關係,實用面積只餘下3平方米左右,5隻野屈埋一堆十分搞笑XD!

上到獅地頂巧遇一班ayp小隊在此小休,Say個Hi就繼續上路走過對峪的通沙頂,山頂為一十分開揚的平地,野營之大可能。

沿大路離開,落探員一度提議試走爐仔石,但最終都係放棄留返下次玩灣仔一次ko吧啦,下一站老虎騎石,輕登山頂至瞭望台,今日有人駐守不能潛入,可惜。停下小休一會,天色變得更差還開始下雨…

繼續沿山脊線向石屋方向前進,上到副峰標高柱的位置經已完完全全咁置身於霧中,能見度十米=_\=

是但搵個石台大休食下乾糧咁。天氣太Shit乜景都睇唔到,商議過後意圖一登石屋後,放棄西脊行程快步落墇上豆花咬麵。

上到石屋山頂,依然係濃霧深鎖,唉係咁2影下山頂發射站就閃人吧∼

大路下降墇上,離開既時候天色竟然好轉,突然在地上見到自己個影!回首一看竟發現有10%既藍天,太過份!但都唔理得咁多落左墇上食豆花先算。

去到墇上還真的是人山人海,好似有唔知乜川在搞活動,少理都係食豆花要緊,話實墇上豆花6蚊碗真係幾抵,過兩日去沙田岰食竟然收8蚊碗,太過份我決定以後都唔會食。

食飽1500再起步,藍天20%可以考慮繼續西稜線,離開墇上向榕樹澳方向前進。


在天梯頂右轉登上一石峰,這是一道橫向伸延的大岩脊,從前由榕樹澳遠觀都已經覺得十分吸引!


沿山腰明顯小路前往西稜,這時藍天指數高達50%,石屋經已脫離了雲霧露出了山頂,西稜右方可以望到深涌及石芽頭雞麻峒等小山,落探員下星期似乎有意慾精研這一帶=_=。

開始沿西脊下降,初段都十分UserFriendly,跟著披了短草的隱約小路進前即可,再來一個急降便可以到達開丫峒之前的岰位了,這裡有一條向深涌方向的支路呢。

我們繼續前進上攀開丫峒,兩座小峰並列,可以分批前行對峰互拍。登上峰頂時還驚動了一雙麻鷹,在山頂上空不停打轉…

由於時間關係放棄了黃地峒一段,睇黎要搵多日專誠一登了,我地在過開丫峒後左面第一支山脊下降榕樹澳,這一段除了要忙於閃避地雷之外都無乜難度。


落山時望到陽光穿雲射落企嶺下海,靚到呢…

到達山腳似是村後的廢果園,黎講要小心生哂秀的鐵絲網、鐵u,幾經辛苦脫出爛撻撻的荒田,返回大路發現經已身中過百痴頭婆=_\=

最後榕樹澳飲汽水再馬路出水浪窩完成,路上還有美麗雲彩相伴,掂呀!

相關遊記:

2006年11月26日

返回上頁返回首頁返回頁頂

 

Email