新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

長咀觀日

路線:北潭凹-大浪岰-咸田-東灣大休-長咀

是次行動好似係小童群益會既活動,我呢d 就跟埋去扮路人玩啦。當夜相約好九點起西貢集合,八點半入到去西貢四圍行買下野hai時間,好采公園有音樂會睇打發下時間。等到人齊買完野發現 Fixed,尾班車原來係9點…結果要打的入北潭凹。

隊員:陳 Sir+7, elmo, Pui, Lok, Terence, Tong

 

到達北潭凹先黎一個行前Bielfing,講完就匆匆起步。一開始班友癲左,以時速5k前進。FullGear 既我地唯有全速跟住啦…

好遺憾路途上發生了一意外,現場有五位目擊者看到Terence 以時速5k既速度單輪炒落坑渠再反車,尊嚴證實不治。

到達咸田,在士多門外小休加玩電筒。休息完經荒田地帶向大灣出發。

在大灣與東灣之門的山咀上,好大風,但係日抖黎應該幾好風景。
再玩電筒,數字同英文已經好難…寫中文真係爛哂。

到達東灣大休地,起呢度開爐煮野食,附近有一條大澗,相信係傳說中既東蛇石澗。食野果時發現無人帶筷子…結果要問人借都唔夠用,我決定用樹枝代替…

食完宵就攤起度睇星。睏唔著同阿樂出左東灣灘睇浪,黑夜既海感覺真係好恐怖…
睇住d 白色既巨浪一下一下衝埋黎…好似會沖走人咁…除左浪仲有暴走蟹玩。

玩到四點左右就叫哂佢地起身,飲埋杯早茶就向長咀出發…
東灣行去長咀大約要90分鐘多d。

去到長咀,個景都唔錯。對住太平洋無限海景加上四周既佈滿左海蝕岩石。

真係好有天涯海角feel。仲有一個奇怪設施。

初時等極都等唔到個太平,原本應該615日出,過左成三個字都唔見影…

Terence 以為撘沉船令到大家睇唔到日出,企圖一死以謝天下。

好彩!!!正當大家起度係咁食風等到發呆之際,太陽終於出黎啦!!

浪漫到丫… = .="

耶!!雖然唔係水平線日出,但係都總算無白走這一趟。 睇相!


日出之後既長咀。

睇完日出之後就係漫長既回程之路…食個橙補充一下體力先。

琴晚夜晚睇唔到,原來條路都幾靚,兩邊有短草坡、又有大浪灣景睇。

回到昨晚小休之地,有一塊巨石可玩∼攀石!!

要花少少心思先上到既岩台,

四人同遊。              玩完石向東灣前進。

玩完石離開大隊抄捷徑落東灣玩∼耶!

比浪蝕左一條沙堤出黎,好特別!琴晚就係同阿樂坐起呢度睇浪。
Terence 再度炒了一Hit,零尊嚴了。

起沙灘寫字同山頂既朋友 say Hi~~~~好好feel 啦∼

耶∼好靚既沙灘,真係一個wild camp 既好地方,人少垃圾少又有水源!

最後返到赤徑決定撘船去黃石碼頭離開,一人12蚊。

2004年10月24日

返回上頁返回首頁返回頁頂

 

Email