新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

King

地圖西貢三山環走

話說阿樂想平安夜前夕搞搞西貢d唔出名既山線,唔平安一番,就咁選定去金山尾。由地圖睇西脊係最可行,無咁斜之餘應該可以鏟少好多林~.~! 由於之前果日同我班同學仔去咸田野營,朝早九點準時到附近士多morning call 樂樂喇,點知一打通就收到一隻鴿子…病左?!不過竟然仲有死士花花同Kona代替出席,真有誠意!

隊員:花, 競, kona

 

廿三號晚咸田野營,幾好feel,又campfire又觀星,唔錯唔錯!

一大早睇過個靚日出後就起行過赤徑join兩死士,順路送埋d同學仔上船……

佢地十點半走晒之後,先發覺電話收唔到=_\=,唯有行多幾步去番個細碼頭到等,順便開爐大休,此舉亦引起路過行山人仕既注目…唔洗幾耐遠方就傳黎呼叫聲…與花花感人既會合!

一問之下,先知兩條友仔因聽聞今日有林鏟先黎,個腦實在係裝屎既!食完野決定放棄鏟林,閒遊下算。先沿北坑下源旁既營地進入,但係無耐就出事,kona過條石橋果陣好低能咁P左野,仲成對腳落埋水= . \=之後仲離奇地蕩失路,呢個時候kona拎左個珍藏指南針出黎,令眾人當場倒地。

好辛苦咁先搵番條正路之後,可以極速上山,但係我重裝既關係,都好快咁撻左皮咧!沿路可遠眺金山尾東南脊,睇黎都係無為既林藝。無耐就到達一個十字路口位,左上大蚊山,右上鹿湖山。

鹿湖山頂面積頗大,景觀亦不俗,野營可行到痺!休息一會後,落山接鹿湖郊遊徑,再輕登牌額山。

牌額山向南山勢平緩易上,向北一面較斜,景觀也較開揚,可飽覽大灘海、塔門、遠至黃竹角咀,東面就有大蚊山同蚺蛇尖。Kona呢個時候就竟然除鞋晒襪。

我同花花就審視下金山尾其他脊,發現西南脊比西脊更可行,近山頂位有大副沖溝,應該可以一探喇。

咬完個包就去KO埋座牛湖墩。途中遇見一班重裝青年,Say個Hi先知原來係AYP金章,睇黎都係Hea友,每行一百米就小休下,果然有我當年既一半,有前途!

五點正落番北潭凹,見咁早就梗係去西貢食個Tea先。唔錯既閒遊線。

2005年12月24日

返回上頁返回首頁返回頁頂

 

Email