新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖蛇縛千溪

蚺蛇尖落蚺蛇灣的山脊,自半年前玩過一次已經覺得好正。一路無敵海景加後段需要怒攀!絕對係今期我最喜愛路線既第一名。

路線:高流灣-經水管路至蚺蛇灣-千溪海岸入口覓路登蚺蛇北脊-經米粉頂下降米粉咀-沿千溪海岸返回蚺蛇灣

隊員:Pui, King

 

又一即興活動,晚上決定重陽登高蚺蛇加遊千溪海岸,同阿競二人同遊。

一早起大學站等再過馬料水撘830船往高流灣,船程90分鐘。途經塔門。

十點正到達高流灣起步。穿過寧靜的村落…

高流灣附近小沙灘,岸邊的是巫屋,但係而家可能做左福音營。

落單了的小牛一頭,逃亡中。      十分豐富的圖片

高流灣至水管路入口約20分鐘,水管旁現在種了樹,行果時避開一下唔好踩死佢地。

看到旦家灣東南面的石灘。又20分鐘的路程,在接近蚺蛇灣附近左轉,會見到綿羊千溪水印帶落蚺蛇灣。

到達蚺蛇灣。

蚺蛇灣左右兩邊都有淡水流過,先來一個飛越!

驟眼睇十分漂亮的蚺蛇灣,但近看之下其實垃圾頗多,不過比起半年前好似少左d。

蚺蛇灣近蚺蛇尖的盡頭,亦是千溪海岸的入口。不過今次先上北脊,沒有走舊路,完全地開了一條新路。學會了避重就輕,雖然全鏟密林,亦只係中了幾下尖刺。非常好。

鏟完林去到較開揚山脊之後仲要行一段急升之路,亦是無路之短草坡,十分吃力。
路邊發現肉碎一堆,初步估計係謀殺案。

今次帶阿競故地重遊,北脊既氣勢真係非一般路線可比。下望碧綠清澈的蚺蛇灣及隱約可見的水管路。

北脊上觀望今日下半場既路線,米粉咀加千溪海岸。


除了西北脊(隔離果條)幾乎每一條山脊都有人,好不熱鬧。審視西北脊的可行性…

北脊上的兩個山峰,氣象萬千。往蚺蛇岰方向遠眺,十分好feel。山勢一浪接一浪。

到達最後一百米,開始激攀。

雖然已經攀過一次,但依然覺得好險,要攀越非全力以付不可。

高手競不在狀態連番遇險包括被困絕崖、沿壁自由下降3米、手腳爆了、手表飛脫等

幾經掙扎終於勉力登頂,可恨山頂太多人沒無人留意到我地既壯獢C上到頂剛剛1點,全脊用左兩小時。小休一會吃個包再繼續下半場行程。

落米粉頂之路。入秋了,山都開始換上秋裝。

下面就係千溪海岸了。先走一段明顯山路,在米粉咀附近左轉覓路,會發現一條密少的小路引領下降米粉咀。

到達!下咀的後段山路完全密了,幸而草不算太高,一路踏草而下。

米粉咀。

有人釣魚喎!            南岸岸咀

盡頭有一座好大既岩石,遠睇成個倒三角形咁,可以爬上去影相。

閒遊了一會便出發去千溪海岸。

初段的千溪巨石處處,個海灣都幾靚。

千溪啦,有feel∼見到螳螂一只,同佢格鬥了一會。


進入沙灘地區,水清沙幼。

雖然美景當前,但係兩條友仔糧乾水盡…差d 死,多得阿競個回魂梨,唔係應該無命返黎。坐左起一舊大岩石後面嘆梨,舊石簡直係依人體工學風化而成,坐得超舒服,又唔使比太陽哂又有海風,勁唔想走…

水能載舟;亦能覆舟

路邊突然發現大石隙可以鼠入去玩。

到達劍龍石!似∼騎龍啦!過左劍龍石無耐就會到達一大gap 位,又要鏟山避開佢。
出返黎既住就係今朝出發上山既同一位置…耶∼

重返蚺蛇灣,好開心竟然完成到計畫中全部既行程! 因為呢排都無乜邊次唔係搞到入黑都未行完…The End!

走果時見到狐狸叫果面山火…呢面山d 野豬係咁起度叫…好癲。

2004年10月22日

相關遊記:

返回上頁返回首頁返回頁頂

 

Email