新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

白腊野營

路線:北潭涌起步,進入搖家樂徑及郊遊徑,過營地後覓路上擺頭墩,脫出俄羅斯軍營抵達西壩,沿馬路進入白腊,札營過夜。第二天零晨登花山觀日。早餐後經獨孤山、西灣山下降吹筒坳至西灣亭撘街車離開。全程17公里。

隊員:Pui, 鬼, 競, 費林, 貞子, 基斯度化, 威, Connie, 和仔, 花花

 

原本有成廿人既大Function,最後半數隊員放鴿子,只餘下十名精英中既精英參與。

12點麥記集合,午餐後去入貨,預備今晚同聽朝既早餐。買完野去打巴入北潭涌。

由北潭涌起步,進入上P郊遊徑。路邊有美玲刻字同和哥哥示愛。

路過灰P。起文物館門外搞事。

荒棄碼頭,對面就係保良局渡假營。

Miss 左條小路,要兜遠路,在曝罟灣營地小休。過營地後再覓路上擺頭墩。

阿威表演飲一口嘔一嘔。上山的路有少許密,可以比初級隊員體驗鏟林既樂趣。山腰位置休息,已可以睇到主壩同創興。

登一登擺頭墩後下降西壩,遠觀山下的俄羅斯軍營,準備潛入。

發現裝甲車兩架,真係有炮架!全員偷偷從軍營旁水渠脫出。

發現類似月牙谷物體,最後從馬路旁草叢鼠出來,回歸正途。

沿主壩進前進。

去到壩尾涼亭小休影相。

主壩怒跳。左起: 花花、和仔、阿威、阿競、費林。

中途仲見到落單野牛一頭。這裡離營地仲有一小時路程。

行行重行行,Full Gear 重裝真係好辛苦。就咁典左一小時終於去到白腊灣!成五點幾啦。

開始落地生根,札營。搞掂哂d 野天已黑齊,和仔出動長耳軍帽準備抗寒。
好彩士多有水源,咻n水就開始煮野食!搞左好耐。d 米係醋米,要浸一輪先煮得,開頭以為無飯開,好彩最後都煮得到,仲幾好食添,成功率依然係100%。
仲有佼子、餐肉、腸仔、五香肉丁炒菜、豆士鯪魚同紅豆糖水、番薯糖水等等!

食完野無野做玩光。格鬥。阿競被阿威放波射穿。畫花!靚!

玩完光再黎個Camp Fire,四出搵木材枯枝樹葉,總之燒得既都隊埋一堆。一發不可收拾,火勢勁大,起火果時又放出大量濃煙!好驚招惹到人黎。

但係真係幾好Feel,同埋好暖!開頭諗住唔係燒到好耐,點知燒到食埋糖水都未燒完。

食埋糖水就係時候睏人,準備聽日既行程。10個人睏14個營位,十分鬆動。又唔係太凍,呢晚總算過得唔錯,但係沙地都好硬下,睏到腰骨都直埋。

第二日四點幾起左身,叫醒哂d 人準備收埋行裝,飲埋杯熱飲就起行上花山。

上花山段路都幾惡搞,斜泥坡加少密,仲要係古惑的山,上完一個峰後面又一個…

在花山頂對出的草坡開爐煮早餐等日出。不太好的日出,亦係比雲霞遮左。

食清所有剩餘物資,極度豐富之餘簡直係斷自己後路… =_=!!
同場更加演和仔亡命噴火球表演失手,火舌張牙舞爪,差點燒哂成個花山,好彩救得快。唔係爆炸就一鑊熟。有驚無險。

天光哂,食飽飽起行,患有菠蘿蓋斷裂症既貞子要早退回去做手術切除雙腳。
合照一個就同基斯度化遠走高飛了。

我地就繼續下降東壩,向海邊進發,在東壩旁鏟落黎。

破邊近在咫尺,萬二分期待下年的泳渡破邊之旅!到東壩,防波堤依然係十分壯觀。

可以爬鐵絲網回馬路如一世夠運的和仔。亦可以由錨型石飛躍而下如飛花。

防波堤合照,亦可以玩穿洞。

東壩                 防波堤去水口,二人失足墮下。

離開中,由左岸少綑一段回大路,中途一探久別既海蝕洞。

比起第一次黎今次仲淺水,可以就咁行過去。

離開海蝕洞,踏上無盡的東壩石級,負重既我地行到想死。

翻過一小山坳就可以望到浪茄灣,亦係傳說中後join 既隊員樂同Terence 札營過夜之地…

沿少密了的石級登獨孤山,省去落浪茄到底再水平開始怒踏西灣山碎石的路段,化算。上山途中負重王隊員威告不治。唯有垂{佢d 錢同裝備掉低佢起山頭。

輕登獨孤山,發現N年前的標高柱一枚。來到這裡大隊已經後勁不繼…加上缺糧缺水,幾經辛苦先典過西灣山、吹筒鞳A亦放棄了^蟝石頂…

直接撤退回到西灣亭,全員膝頭斷裂。幸好等不久就有車,快閃返西貢食Tea ~!

最後生還面容扭曲同精神失常的隊員。

2004年12月26日- 27日

返回上頁返回首頁返回頁頂

 

Email