新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖太墩

入秋係時候山線一番,大山玩得七七八八,山頭補完計劃啟動,開始玩一中型山頭。太墩更是其中首位的目標物,入親西貢玩撘車經過斬竹灣都會不禁抬望下太墩,由呢個方向望過去山勢極之挺拔!好吸引!終有機會一登,先遊長山,再登太墩,仲估唔到西面的副峰之下更有大型岩帶可以一玩!

隊員:Pui, Lok, Fa, Wai

 

離奇的麥邊集合,集合之後仲要行多成3K馬路先至去到長山南面的登山口。

行馬路時經過燒烤場,有一棵類滅s松樹,隊員樂意圖再嘗站在滅s松上的感覺,但這個騰空十米的恐懼竟猶勝華山的千丈絕崖…行動最終失敗。在大網仔見到一小山氣勢亦不俗,山半腰位好多露岩幾好睇,可能係鐵矢山。太熱,決定先去士多嘆下凍飲先。

好彩意志尚算璈w,飲完野都可以繼續行程,再行多1K就見到有郊遊徑一般的大路上長山。呢段路都幾哂下,全程都無乜樹蔭,夏天不宜。

上山途中回望山下,見到烈士紀念碑,應該睇左先上山,咁近,唔使一陣要行多一段馬路去參觀…遠D既仲有類似魚塘的東西,應該有得玩下釣魚果種。

百零米大路好快KO,路過頹敝既標高柱,在長山頂對望隔岸既太墩,幾好Feel。呢面睇成個梯形咁,左面山脊仲見到有好多露岩,細看發現就在登太墩的山路旁邊!!!

過山頂發開始下降並且進入林蔭小徑,雖然在樹林中,但都有微風送爽,呢段行得好輕鬆,好有郊遊Feel。在一四叉路口轉上山,上無耐再有分叉路,發現在路牌後面有草叢小路登太墩的西脊。

一段頗斜、少密的山路,行得都幾辛苦,但係一望到山上的岩帶就乜都唔理係咁扯上去。分左兩大層,先在下層小休一會,行出兩步發現可以在正面上攀,有好多一級級咁既岩石,應該都幾好玩。同埋見有D石落左螺絲,原來呢度都有人黎攀石。

呢度可以望哂成個大網仔的谷位,好耐無玩呢頭,感覺幾新鮮。影完相先行一步上攀第二層,沿小路再上一段仔,但係要攀上第二層好似要離開正路踏草左橫移過去。又或者可以在較下的位置開始上攀。

耶!到頂!加埋呢一塊大直壁,感覺高絕!

在崖頂右望便是看似十分平緩的雷打石,南脊有條睇黎沖蝕得好嚴重既大路。記得第一次起麥記果面鏟上去行到撻哂皮,超斜!

其他隊員亦上攀到了,手腳位一般,要慢慢試位,但都幾好玩。人齊再在壁頂小休一輪就再上路,好似無路走唯有踏短草坡上山脊,好彩都唔係好遠。

上到山脊行多幾步就到左太墩既副峰,下面就係蛇地坑。在這裡商議之後既行程,本來今日仲要玩埋雷打石同牛耳石山…但照常玩到一半又係時候腰斬行程,決定登埋太墩主峰就閃。

副峰有大路去主峰,在主峰一帶極之平緩,絕對係一個理想既非法露營地點。

霞。研究一玩呢頭既小島,但係好似有D無聊=_\=。

回程,沿小路落山,呢段都幾斜同少密,如果起呢度開始上山都唔係咁開心,好彩今次係經呢度落山,相信都無乜第二次機會會行呢條路。下次黎應該玩完巨岩組就會閃左去雷打石果邊。


不過呢段路都幾快,好直接咁下降北潭涌,在停車場後的草叢中鼠返出黎。由於某隊員整理行裝太慢,結果走左架巴士…決定沿馬路邊行出去邊等車,結果走左返今日登山既起點,順手一遊呢個烈士紀念碑。

2005年1月22日

返回上頁返回首頁返回頁頂

 

Email