新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖奔雷打石

路線:繼續山頭補完計劃,順手參加官方遠足活動「西貢健行日」咫U紀念品。是日行程預計連登雷打石、畫眉山、岩頭山及牛耳石山再返回活動終點型鰫屨~完成。唯隊員樂遲到決定追龍,令活動一度變成山頭追逐戰。

隊員:Pui, Lok, 威

 

十點鐘集合,得知隊員樂將會遲到,仲叫我地先走一步,佢一會自會追龍而來。

登記過後便起步沿馬路步入鯽魚湖方向,跟著人龍左轉進入了村莊小徑。再一會路程就接回麥徑,在四叉路口有人群聚集。

離開大路向雷打石前進,除了山頂的雷打石,山腰位置亦有一巨石似乎可以一玩。沿小路上行,回望麥徑上的豆豉人龍。

上山的路都算明顯,但會先由東面接到雷打石的南坡才登頂,而且唔會經過剛剛看到的山腰巨石,所以去到咁上下就踏草坡而上一探巨石。

草叢到腰但多數都係芒萁,要游上去問題都不大,無耐就登上巨石,十分不俗既石台,形勢同山頂那個差不多。

小休一會睇下山下既人群就繼續登頂,後段比較斜,但抓草而上問題不大。

幾步路就上到山頂巨石,雷打石個勢真係幾企,可以在石台上環視四方山脈。

上埋個頂就由另一邊落山,想當年覺得極斜又多碎石既一段路,如今再行已不是甚麼一回事。下降到麥徑大路,快步返回四叉路口繼續向嶂上方向前進。途中見到有活動參加者停在路上寫生,幾有趣既工筆畫。

呢段路扯上山都幾撻,路過畫眉山決定放棄直接前往嶂上食豆花,可惜去到發現士多迫滿哂人,唯有放棄豆花計畫,繼續下一站岩頭山。

 

---至於從後趕上既隊員樂---

日原本係官方活動,以為會終極閒遊啦,點知一早有D野做要遲D出門口,即刻打比船長阿威叫佢地自己行,我會追佢地,結果去到北潭涌起點已經遲左個半鐘起步…意味住要跑到甩肺先可以會合…

一起步唔理,唔覺有官方指示下直隊入北潭涌家樂徑,途中經過蛇地坑澗口…嘩…好垃圾…中段接山頭往雷打石山南脊山坳,抬頭一望,低能地以為見到雷打石,以為咁快追到…

到左南脊入口,上山都好斜好碎下,又熱!獨行勁怕死,一路keep住心跳呼吸正常…雷打石山好多平行泥痕,我估係土蠕。

上小峰後當然發現自己係太天真,雷打石山主峰仲有排…回望太墩好似隻怪獸訓響度,右面險位正是蜘蛛岩。

到頂後hea左一輪,電聯一番後明白原來仲差極遠…真係洩氣 =_\= 只好跑啦…麥徑竟然都可以咁爛,唉…

去到登畫眉山坳,工作人員事意圖問我掂唔掂…如果有野飲我實話唔得咧唔得咧…畫冒眉山,幾步就到,可望到嶂上及石屋山。

 

---話返轉頭---

 

同阿威經已登上岩頭山頂,山頂鏟左條火界去老虎騎石果頭,係幾好既休息地方。山頂設置左一個幾靚但係格格不入既介紹牌。呢度可以睇到海下灣一帶,但係今都幾大霞,景觀下降70%。

離開岩頭山在牛耳石山頂旁再一次返回麥徑大路,仲未見到隊員樂既縱影,決定在山頂等埋佢先繼續上路。

在山頂電聯,得知佢剛由畫眉山下來,暴走過來中!終於跑到阿媽都唔認得,過左好多尾隊後,係牛耳石山頂會合到我同阿威!大感動!隊員樂疲到停唔到!

小休一會就齊齊落山,返回活動終點北潭凹。

行動成功,西貢小冊子及布章一個入手。由於熱左副engine,於是別過船長同阿威加遊幾座山仔。

一遊牛湖墩,登牛湖墩途中有一巨石可以一攀∼體力朝早燒得太勁,依家上呢d山仔都撻皮…幸好終見到標高柱

幾好0既景色,牛湖墩山頂,赤徑+蚺蛇角度新鮮而且開揚,係極方便睇日出加野營既地點。

牛湖墩旁有個比佢更高的山峰,此峰名為老虎峒,一登∼鬖悛磭迣誑i以見到本日最後一站了---大輋嶺墩,又平又矮。

成座山平到無乜睇頭,但用作退出路線就一流,極快就落得番馬路搭車鼠人,nice!

2005年12月3日

返回上頁返回首頁返回頁頂

 

Email