新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖崇山澗四排石

人丁單薄加終極shit天既日子,放鴿真係在必行,奈何一早起身sms收唔到任何喜訊,唯有收拾行裝上路去。shit天就梗係山頭補完,ㄟ吤|排山頂攻略,此線曾被落探員狠評及永遠blacklist,但四座2XX山頭確實需要一遊…

隊員:Pui, Sylvia

 

269D入元朗,兩貴=_=一出隧道發現大帽另一邊天色唔錯,有5%藍天…經過大欖轉車站見到師太既隊伍經已整裝待發,成三四十人浩浩蕩蕩咁款。

入到元朗嘆個早茶會合埋家姐就搭小巴入崇山新村,參考友網敢人聯盟既尋崇記,成功在橋頭落車起步。大方向穿村,經過民居、農場、果園等等,當然唔少得俾各式各樣既小否歡迎。

在村後覓得明顯山路入澗,澗床十分寬闊。

一入澗經已係崇山飛瀑瀑頂,旱左咁耐現在只餘下飛泡,嘗試由右方乾了的瀑崖狼狽下扳至瀑底,不過要有玩手指既覺悟,旱季都咁款,豐水時應是打橫一幅飛流而下,攀爬免問。

沿瀑峽步出數步,又有流瀑分層而下,零手位加唔想濕腳只好放棄。

話咁快就玩完全澗唯一認知的景點,都預左之後暴走平淡澗道完場架啦,不過行落感覺都唔差,別致的沙澗模式加上寬敞既澗道,還有兩三口小潭咁。

中途路過一塊巨型裂石,自視主觀地試圖中央突破,上到一半發現零手位,好驚個人向後反黎講,有後悔既感覺=_-!

其實石後面捐兩野就可以爬上頂架啦…十分hea遊,石頂小休影下相咁,家姐d飛躍…都有d進步架啦。

好快就到達分源位置,左源一支澗勢較為陡直,一開始經已層瀑疊起,比之右源的平緩澗道的確吸引許多,於是選走左源。

略舒身手少攀一會便到達瀑頂,無乜難度可言。攀過首瀑後左源極速收窄,整條澗都被灌叢吞噬了,無野好玩就離澗吧∼


經左方疏林坡返回山脊山路,上四排石頂途中發現巨大沖峪,落底一探經過半腰灌叢,極驚踩到岩岩睏醒既蟒蛇,回影峪頂既家姐,人都變豆豉,斷估都有廿米高!

玩完谷繼續上四排石頂,290涼亭少休一會,遙望兩個山頭後的白水嶺,山頂全是健康山,絕對係零景觀的19山,但商議後決定俾少少誠意…來回兩公里ko埋佢,否則留返一座孤伶伶咁應一世都去唔到。

沿大欖涌效遊徑快步前往白水嶺,越黎越好陽光,熱到死咁滯終於上到白水嶺,仲好好彩咁搵到垃圾狀標高物一支=_=咁都抵d。

沿路閃返過四排石頂再過井坑山,沿路所有樹都燒哂,景觀都幾開揚架∼仲起山腰發現黑羊家庭,開頭以為係幾隻否仔,對望一輪突然「咩∼∼∼」=_\=

到達井坑山頂,對望隔離掌牛山,發現師太既隊伍經已逐漸到達山頂,嘩比原定早左半粒鐘,點追呀…仲係咁打黎催催催催,結果二人要放棄雙腳,無視高度差20分鐘由井坑山頂爆到上掌牛山頂同師太感人會合…差d變死人會合=_=

爆到家姐都面青青只可以強顏歡笑,命都短幾年呀老母,仲要咁辛苦過到黎竟然發現無生果食!!!!丫整!逍遙遊團體照一張入手後大隊繼續上路穿村。

在山頂吹風等埋殿後既鐵人張,睇下有無生果可以搶奪,點知都係空手而回…哎呀!合照留個紀念之後繼續last一座蠔殼山。


山頂有座廟仔,但廟內只有一塊石頭,唔知乜名堂。下午天色越黎越清,圭角都睇到啦,非常好!


落山在小學旁邊閃出黎,順手用佢地淋花水喉洗個靚面,完成行程第一時間去士多買野飲,結果又見到張sir,join小組一遊埋東城里,闖民居參觀古屋。

最後大榮華飲茶一番樂。

相關遊記:

2007年2月13日

返回上頁返回首頁返回頁頂

 

Email