|
＠為左等埋競競將集合時間推遲至1300，可惜佢最後都選擇左家族生意放棄左出山，與及師太的初１６大利事，認真上進。
  
＠１點葵涌集合，飯局後小巴至豪景花園起步，對此區零認識只好任由落探員擺佈，穿過屋苑到達屯門公路，公路旁的門是不設防的，可以隨意進入，聞說之前是可以成度門拆出黎的…＝＿\＝沿著屯門公路前進，一邊食廢氣一邊留意著大坡板的進入位置。  
＠在護土牆被鐵絲網圍困前爆上山坡，十分離奇地這裡充斥著各式各樣的垃圾，還擺放著一尊二哥像。二哥像旁邊有一座大岩石，亦有一登之必要，當年樂文意圖一登可惜事敗，今日人強馬壯再次挑機。   
＠繞石一圈終於發現了一個被小樹擋著的缺口，除左竺師太高度所及未能一登之外，其餘全員成功登頂∼  
＠亦可一試家姐所在的棧道位，但有少量over驚唔上唔落。上頂必擺啦今期最潮Post。  
＠玩完石繼續上路，公路旁山坡橫移，中途見到草叢中一狗狀黑影閃過，疑是赤麖或野豬仔，但可惜未能看個真切。 
＠再前行一段終於見到今日既主打，觀看對谷山坡，雖不是一整塊石坡板，但岩石覆蓋率達５０％而且集中在一線之上，十分可行！  
＠擬訂好路線後先正路上另一邊山脊，避一避谷底林帶。在這裡找到前人的切入足跡！還有帶可以跟住玩！讚！橫移不知不覺間經已切入到主線石帶。
  
＠兇狠攀登正式開始，落探員獨走左線，我呢邊就先左邊上行但無耐就要左移一極懸空８０o斜壁，雖則Friction ok但都係搏唔過，但家姐師太無視兇險一野高位橫移就過左左邊會合落探員，仲定起壁中間影相，好輕鬆∼我就退返幾步發現一趣味攀爬石脊，手腳充足好玩刺激又唔會跌死，值得推介。
  
＠我右邊繼續輕鬆上行到頂，俯視左邊正在玩friction斜gap的隊員，一陣子功夫全員到著會合。
  
＠繼續上攀出現是日最難搞位置，先試靠石隙上攀，如此技術性既舉動當然係失敗收場啦。再試另一途，先登一石頂，跨過對面塊壁再上。
 
＠借用落隊員既一段描述「老沛不知為何輕鬆一登，姊妹少量濕濟後輕鬆上攀，我就坳底良久最後終於搵到可供托附的反手位用左手左腳勾實塊壁，但之後手腳亦非十分好，難呀頂！班友玩命咩咁都隨便上！」唯有講句…大家既「故作輕鬆」都有一番造藝…  
＠之後輕鬆上攀到臨頂了，在這裡小休影下相咁。觀察返對谷的巨大坡板，看似十分平滑而且都幾直下…應接觸不良，除非練成ｓ形直壁蛇行，唔係都幾難玩。 
＠觀壁之時ａ先生來電話佢經已人在山癲等緊我地，仲話我地知我地腳下山谷有三隻野豬！果然未幾山下草叢一陣騷動後出現三隻大碼野豬競走！！Wa！好癲第一次見到野豬，仲要係串燒三隻怒奔走！起我地胡亂叫囂之下更加速無視障礙狂奔消失於密林之中，全程成廿秒好癲呀！！如果係頭先攀攀下爆出黎真係嚇到 FreeFall都似！
 
＠本來會合埋ａ先生預計會玩埋桃坑峒南崖架，但今日既行程見到真．野豬競走經已感覺大滿足，加上一上山脊見到桃坑峒遠到…攬雀尾都唔掂，放棄啦仲等呀！？
＠為左唔孤負ａ先生追龍既誠意，就係咁２玩下另一邊山坡既雀狀石先啦∼   
 
＠一頭一身中間幾米高裂縫，跨越一登雀頭都需要一ｄ勇氣架＝＿＝  
＠影相小休一會就工程大路極速逃脫！！本身好病既落探員，在完成兩個小時療程後即時精神煥發，落山茶局後還和ａ先生打電玩去了∼
相關遊記:
2007年3月5日 |
