新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖咖喱雞05

大隊覆嚼咖喱雞之旅,今次掉返轉黎玩,錦田起步穿村由雞公嶺西面登山,玩埋上次玩剩既西部山脈,沿同一道無力挽碎石路下山返回錦田食咖喱,但係今次又貴等得又耐,仲要辣到癲很左…下次都係試下第二間。

隊員:Pui, 鬼, Lok, King+2, Dino, Fa, Ter+1, Wai+2, 殿後, Chyee, ABC, 公主

 

大埔集合早餐食住等,之後齊齊打巴入錦田,久違的1X團友大Function。

去到蒙養小學站落車起步,錦田好似搞緊打醮,一路上都佈置左好多旗幟,幾好睇。

穿村,路過下d唔知乜料既古蹟,影下相望兩眼閃人。去到樹屋在路邊有小否乙隻,觀乎不見其母,可肆意欺凌。

樹屋,上次黎經已行到撻哂皮無乜點影相,今次補返。真係幾別緻既景點,d樹生到成個屋形,但係內部間屋又爛得七七八八,樹根起d柱腳位仲生到直角曲尺形。

會合埋地頭蟲花子同癲哥哥黎張合照先,真係久違既大隊啦,仲有公主殿後領隊等特別嘉賓。

搞掂出發,望住個山腳就去啦,但其實帶頭果個唔識路,識路果d又唔帶頭,唔知想點。

穿過小農田,開始發現方向偏離左去左右邊…

殿後終於忍唔住出手帶路使出直線攻擊,強闖果林、田間小路。最後突強鬼針叢終於殺返出大路,可以繼續沿馬路前進。

到達登山路口,殿後一馬當先殺左上去,意圖扯爆一眾團友。今日果太陽都幾惡,隊員樂為免公主會被哂傷立刻為其打傘。

特倫新的加一,真威。        這邊箱隊員樂亦不甘示弱…=_\=

一開始段路係咁扯上山,真係幾惡頂,不過上多少少就望哂成個南山圍地區,景色不俗。望到遠方山坡旁有巨石群,三數隊員暴走一登飛躍。

領隊更單挑試攀巨岩組,可惜事敗,雖惜一腳之助才成功上攀。離開岩石再行多兩步就到達近頂位置,有一類似發射站的東東。

越過山坳位,能見度唔錯,可以返到深圳的城巿。

終於到頂,山頂前的位置有一枚舊的殘破標高柱,形狀下肥上瘦,比較少見,大埔滘山火瞭望台旁邊都有一支類似的東西,唔知係幾多年前既產品。

今日可謂高手雲集,公主同領隊黎一個先禮後兵,再切磋切磋裝備。

鬥得難分難解之際又突然發生了狀況,隊員樂的戰友被狂風吹飛,演出左悲壯戰死既一幕…話說領隊的父親此時正在山下,看到有人在山上放風爭…太哩…最後出動海豚直昇機都無辦法搜救到滾下山的傘子。

收拾心情再上路,去到另一組巨岩休息攀玩,上次黎就係玩到呢一度,跟手就在隔離條脊落山,今次反轉玩返黎呢度就剛好全走哂成條脊啦。

休息之時驚見後方出現一獨行人仕,細看之下發現係ABC,竟然使出「真.追龍技」,太可惡,影佢啦!!都成點幾,休息完都係時候爽住落山食飯。

下降時回望西方雞公嶺,成條山脊密鋪金黃枯草。

上次落呢條路經已幾濕濟,極期望有人會演出無力挽,今日極力保持形象既特倫因為分心做人肉扶手既關係,都係不負眾望P左一野。最後除左領隊收制不及鏟左落山同ABC舊傷爛腳之外,大伙兒都安全落到山。

快閃快閃!出錦田食野!!去返上次果一間,但係入去坐低一望先發現星期日只有貴價餐!!中計,但都計照食啦!!

但係唔知做乜Q咖喱極重手,辣到Kant,仲要點多個炸辣椒!真係要左我老命!!之後食下阿樂果台果D發覺又無咁辣,真係中計!!!

2005年11月27日

返回上頁返回首頁返回頁頂

 

Email